კონფლიქტის ზონა

სეპარატისტული რეჟიმი მდინარე ენგურთან ე.წ. საბაჟო პუნქტების გახნას გეგმავს

ოკუპირებული აფხაზეთის დე-ფაქტო მთავრობა მდინარე ენგურთან ე.წ. საბაჟო პუნქტების გახნას გეგმავს.

როგორც სეპარატისტული რეჟიმის ლიდერმა, რაულ ხაჯიმბამ პრესკონფერენციაზე განაცხადა, ენგურის მხრიდან ტვირთბრუნვის პროცესის ლეგალიზაცია უნდა მოხდეს და პროდუქცია უნდა დაფიქსირდეს.

„საქონელი, რომელიც აფხაზურ მხარეს გადადის, ჩვენ ბაზარზე სადემპინგო პირობებს ქმნის. ჩვენი პროდუქცია არაკონკურენტუნარიანი გახდა. საქართველოდან შესული პროდუქცია უფრო იაფია, რადგან საზღვარზე პროცედურები არ არსებობს. ომის შემდეგ საბაჟო გადასახდები დაწესდა, რომელიც შემდეგ გაუქმდა. რატომ უნდა გამდიდრნენ კერძო პირები და სახელმწიფომ დანაკარგები განიცადოს? “, – აღნიშნა ხაჯიმბამ.