პოლიტიკა

შალვა ნათელაშვილი დახურულ სივრცეში სიგარეტის მოწევის აკრძალვასთან დაკავშირებით მიღებული კანონის გაუქმებას ითხოვს

ლეიბორისტული პარტიის ლიდერი, შალვა ნათელაშვილი საკონსტიტუციო სასამართლოს სარჩელით მიმართავს.

შალვა ნათელაშვილი დახურულ სივრცეში სიგარეტის მოწევის აკრძალვასთან დაკავშირებით მიღებული კანონის გაუქმებას ითხოვს.

როგორც ლეიბორისტული პარტიის ლიდერმა დღეს გამართულ ბრიფინგზე განაცხადა, დისკრიმინაციულია და საერთაშორისო სამართლის ნორმებს ეწინააღმდეგება.

ნათელაშვილის თქმით, კანონი ბიუჯეტის შევსების და ტელევიზიების სარეკლამო შემოსავლების შეზღუდვის მიზნით მიიღეს.

„მოხდა უპრეცედენტო რამ, ნარკომოხმარებას ხელისუფლებამ ლეგალიზაცია მისცა და ბიუჯეტის შესავსებად სიგარეტის მოწევაზე დაკისრებული ჯარიმებით აპირებს დამატებითი მილიონების შოვნას. შესაბამისად, ჩვენ შეგვაქვს სარჩელი საქართველოს საკონსტიტუციო სასამართლოში, რათა გაუქმებული იქნას მიღებული ანტიდემოკრატიული, დისკრიმინაციული და საერთაშორისო სამართლის დამრღვევი ნორმები,“ - განაცხადა შალვა ნათელაშვილმა.