პოლიტიკა

შალვა ნათელაშვილი ხმების ხელახლა დათვლას ითხოვს

"ლეიბორისტული პარტიის" ლიდერი შალვა ნათელაშვილი საარჩევნო უბნების გახსნასა და ხმების თავიდან დათვლას ითხოვს.

მისი თქმით, "ლეიბორისტული პარტია" პროცედურულ მოქმედებებს მალე დაიწყებს.

ნათელაშვილი ხელისუფლებას არჩევნების გაყალბებაში ადანაშაულებს და ამბობს, რომ ,,გაყალბების საიდუმლოება თბილისის ყუთებში და დალუქულ ურნებში დევს.“

"კატეგორიულად მოვითხოვთ, გაიხსნას თბილისის ყველა უბანი და ცენტრალიზებული წესით თავიდან გადაითვალოს ყველა ხმა. ამის თაობაზე უახლოეს ხანში დავიწყებთ პროცედურულ მოქმედებებს",- განაცხადა ნათელაშვილმა.

ნინო ექვთიმიშვილი