პოლიტიკა

შალვა ნათელაშვილი ოპოზიციურ პარტიებს წინააღმდეგობრივი მოძრაობის დაწყებისკენ მოუწოდებს

ლეიბორისტული პარტიის ლიდერი, შალვა ნათელაშვილი ოპოზიციურ პარტიებს წინააღმდეგობრივი მოძრაობის დაწყებისკენ მოუწოდებს.

ინიციატივის შესახებ ნათელაშვილმა დღეს გამართულ ბრიფინზე ისაუბრა.

ლეიბორისტული პარტიის ლიდერი ოპოზიციურ პოლიტიკურ სპექტრს ფართო ფორმატში კონსულტაციების დაწყებას სთავაზობს.

„მივმართავ, ყველა ოპოზიციურ პარტიას. მეგობრებო, ერის ისტორია გაამრუდა არჩევნების ოლიგარქიულმა ფალსიფიცირებამ, მოხდა ხელისუფლების უზურპაცია, ერთპიროვნული რეჟიმის დაკანონება. ნუ ველოდებით უცხოელ დამკვირვებლებს და მათ შეფასებებ. ჩვენ ჩვენი საქმე უნდა გავაკეთოთ და შევაფასოთ, ის, რაც მოხდა ჩვენს თავს. დავსახოთ გეგმები, რომ არ გადავაყოლოთ ქვეყანა მილიარდერის ბიზნეს ინტერესებს. მოგიწოდებთ ყველას, დავიწყოთ კონსულტაციები, შევიკრიბოთ და შევადგინოთ საერთო შეფასება იმ ყველაფრისა, რაც ჩვენს თავს დატრიალდა ოქტომბრის თვეში. განვსაზღვროთ მომავალი წინააღმდეგობის ორგანიზებისა და ბრძოლის ფორმატი,“- განაცხადა შალვა ნათელაშვილმა.

ნინო ექვთიმიშვილი