პოლიტიკა
შალვა ნათელაშვილმა საკონსტიტუციო კომისიას 48-საათიანი ულტიმატუმი წაუყენა
ლეიბორისტული პარტია საკონსტიტუციო ცვლილებებზე მომუშავე სახელმწიფო კომისიას ბოიკოტს გამოუცხადებს, თუ ის პროექტის საბოლოო ვერსიაში არ შეიტანს იმ ცვლილებებს, რასაც ოპოზიცია სთავაზობს.
ამის შესახებ ნათელაშვილმა ბრიფინგზე განაცხადა.
„დარჩენილია 48 საათი საბოლოო გადაწყვეტილებების მისაღებად. ჩვენ ულტიმატუმს ვუყენებთ რეჟიმის მეთაურ, კრემლის ოლიგარქ ბიძინა ივანიშვილს - დაუტოვე ხალხს უფლება თვითიონ აირჩიონ თავისი ქვეყნის პრეზიდენტი. უარი თქვი ეგრეთ წოდებულ გადაუნაწილებელი მანდატებით ხმების მოპარვას.
თუ ჩვენ ვნახავთ, რომ საბოლოო პროექტში არ შევიდა ცვლილებები და წარმოადგინეს იგივე რაც დღეს დილით და გუშინ საღამოს ვიხილეთ, გადავალთ ბოიკოტის რეჟიმში და ხალხს მოვუწოდებთ მასობრივი საპროტესტო წინააღმდეგობრივი პროცესის დასაწყებად“,-განაცხადა ლეიბორისტების ლიდერმა.
მონიკა დავლიანიძე