უკან
სამართალი
26 სექტემბერი, 2017 10:40
შარტავას ქუჩაზე დაჭრილი შსს-ს მომსახურების სააგენტოს თანამშრომლის მდგომარეობა მძიმეა
შარტავას 35 ნომერში დაჭრილი შინაგან საქმეთა სამინისტროს მომსახურების სააგენტოს თანამშრომელი ზურაბ ტაკიძე რესპუბლიკური საავადმყოფოს რეანიმაციულ განყოფილებაშია მოთავსებული.
მისი ჯანმრთელობის მდგომარეობა კრიტიკულად მძიმეა. ტაკიძე მართვით სუნთქვაზე იმყოფება.
მას ჭრილობა ცეცხლსასროლი იარაღით თავის არეში აქვს მიყენებული.
დაჭრილის ახლობლები თვითმკვლელობის მცდელობის ვერსიას გამორიცხავენ. ის გუშინ საკუთარი სახლის სადარბაზოში დაჭრილი მეზობელმა იპოვა.
რა ვითარებაში მოხდა მისი დაჭრა, ამ დრომდე უცნობია.
მომხდართან დაკავშირებით გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. ტაკიძე საკუთარი სახლის სადარბაზოს მეოთხე სართულზე დაჭრილი მეზობელმა გუშინ იპოვა.