უახლესი ამბები
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
საზოგადოება
შეფასებისა და გამოცდების ეროვნული ცენტრი ახალ პროექტს „Certus“-ს იწყებს
შეფასებისა და გამოცდების ეროვნული ცენტრი ახალ პროექტს იწყებს სახელწოდებით „Certus“. პროექტი, ერთი მხრივ, ორგანიზაციების (კერძო კომპანიები, უმაღლესი სასწავლებლები და ა. შ.) მოთხოვნებისა და, მეორე მხრივ, ამ სექტორში საქმიანობისა თუ სწავლის გაგრძელების მსურველთა საჭიროებების გათვალისწინებით შეიქმნა.
შეფასებისა და გამოცდების ეროვნული ცენტრის ინფორმაციით, გრძელვადიან პერსპექტივაში „Certus“-ი კანდიდატთა შერჩევისა თუ კომპეტენციების დადასტურების სრული, კომპლექსური და მეთოდოლოგიურად გამართული სერვისის დანერგვას და შესაბამისი სერტიფიკატის გაცემას ითვალისწინებს.
,,ეს წამოწყება ნებისმიერი მსურველისათვის კონკურენტუნარიანობის გაზრდის მოსახერხებელი და ხელმისაწვდომი საშუალება იქნება. მონაწილეს საკვანძო კომპეტენციების დადასტურება მისთვის ხელსაყრელ დროს შეეძლება. მიღებული სეტიფიკატის წარდგენას კი პოტენციურ დამსაქმებელთან ან უმაღლეს სასწავლებელში შეძლებს.
„Certus“-ის დანერგვის პირველი, საწყისი ეტაპი სამაგისტრო ან სადოქტორო პროგრამებზე სწავლის გაგრძელების მსურველებსაც დააინტერესებთ - კანდიდატები ინგლისური ენის ცოდნის დონის დადასტურებას და შესაბამისი დოკუმენტის სასწავლებელში წარდგენას უახლოეს მომავალში შეძლებენ. მსურველთა რეგისტრაცია 5 დეკემბრიდან დაიწყება ცენტრის ვებგვერდზე www.naec.gov.ge
მომდევნო თვეების განმავლობაში ცენტრი ინდივიდუალურ თუ კორპორატიულ მონაწილეებს შესთავაზებს შემდეგი კომპეტენციების დამადასტურებელ ტესტირებებს:
უცხოური ენის (გერმანული, რუსული, ფრანგული) ცოდნა;
საოფისე პროგრამების ცოდნა;
ძირითადი სააზროვნო უნარები;
ქართული ენის ცოდნა და ფუნქციური წერა;
საკანცელარიო უნარები;
ემოციური და პრაქტიკული ინტელექტის შეფასება.
შეფასებისა და გამოცდების ეროვნულმა ცენტრმა პროექტის პრეზენტაცია ათეულობით ორგანიზაციისა და უმაღლესი სასწავლებლებისათვის 17 ნოემბერს გამართა. „Certus“-ის ფარგლებში გაცემულ სერტიფიკატს ნდობა უკვე გამოუცხადეს თბილისის სახელმწიფო უნივერსიტეტმა, ილიაუნიმ, საქართველოს ტექნიკურმა უნივრესიტეტმა, სდასუმ, ასევე საქართველოს ეროვნულმა ბანკმა. კომპანიებმა: პე-ეს-პე, ჯიპიაი ჰოლდინგი, ირაო, რედისონი, ჰოთელს & პრეფერენს ჰუალინგ თბილისი, ვითიბი ბანკი. ამ ეტაპზე პროექტში ჩართვით დაინტერესებულია კიდევ 20-მდე ორგანიზაცია“, - ნათქვამია ცენტრის მიერ გავრცელებულ ინფორმაციაში.