საზოგადოება

შეგვიძლია, ვთქვათ, რომ ისინი საქართველოში არალეგალური გზით მოხვდნენ - გიორგი გახარია

შინაგან საქმეთა მინისტრის, გიორგი გახარიას ინფორმაციით, ისანში ჩატარებული სპეცოპერაციის დროს ლიკვიდირებული და დაკავებული პირები საქართველოში, სავარაუდოდ, არალეგალურად მოხვდნენ.

მან აღნიშნა, რომ საქმის დეტალები ამ დრომდე ზუსტდება.

„ყველა დეტალი და ნიუანსი დღეის მდგომარეობით დგინდება. პირველადი მონაცემებით შეგვიძლია, ვთქვათ, რომ ეს იყო არალეგალური გზა. შესაბამისად, უახლოეს პერიოდში ყველა დეტალი იქნება გამოკვლეული და შესაბამისად, გექნებათ ყველა პასუხი“, -უპასუხა გახარიამ ჟურნალისტის შეკითხვას.

რაც შეეხება გავრცელებულ ვერსიას, რომ ერთ-ერთ ლიკვიდირებულ პირს ჰქონდა საქართველოს შეიარაღებული ძალების იარაღი, მინისტრმა უპასუხა, რომ ეს პირველად ესმის.

მან ურჩია ჟურნალისტებს, გამოძიების შედეგებს დაელოდონ.

„ყველა დეტალი და ნიუანსი დღეის მდგომარეობით დგინდება. პირველადი მონაცემებით შეგვიძლია, ვთქვათ, რომ ეს იყო არალეგალური გზა. შესაბამისად, უახლოეს პერიოდში ყველა დეტალი იქნება გამოკვლეული და შესაბამისად, გექნებათ ყველა პასუხი“, -აღნიშნა გახარიამ.

მინისტრმა ასევე არ დაადასტურა, რომ რამდენიმე დღის წინ ქობულეთში ჩატარებული სპეცოპერაცია, რომლის შედეგად დააკავეს ქალი და ამოიღეს დიდი რაოდენობით იარაღი, ისნის სპეცოპერაციას არ უკავშირდება.

„სრული პასუხისმგებლობით მინდა განგიცხადოთ, რომ ქობულეთში ჩატარებულ სპეცოპერაციას არანაირი კავშირი არ აქვს თბილისში ჩატარებულ ოპერაციასთან“,- განაცხადა გახარიამ.

ანა მებურიშვილი