უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
ეკონომიკა
შეიძლება ხმამაღლა ვთქვათ, რომ ქვეყანა იძირება ვალებში - რომან გოცირიძე
პარლამენტის ბიუროს საქართველოს 2018 წლის სახელმწიფო ბიუჯეტის პროექტი ოფიციალურად წარედგინა.
დეპუტატებს საბიუჯეტო პარამეტრების შესახებ ინფორმაცია ფინანსთა მინისტრის მოადგილემ გიორგი კაკაურიძემ გააცნო.
როგორც პარლამენტის ფრაქცია „ნაციონალური მოძრაობის“თავმდჯომარემ რომან გოცირიძემ ჟურნალისტებს ბიუროს სხდომის დასრულების შემდეგ განუცხადა, „შეიძლება ხმამაღლა ვთქვათ, რომ ქვეყანა იძირება ვალებში“.
„2 მილიარდით იზრდება ქვეყნის საგარეო და საშინაო ვალი. ბიუჯეტის ხარჯები წინა წელთან შედარებით 950 მილიონით იზრდება და ამ 950 მილიონში არ მოიძებნა არც ერთი თეთრი პენსიონერებისთვის, მასწავლებლებისთვის. რაც მთავარია, ეს ფული დაქსაქსულია უამრავ არაეფექტიან ხარჯზე და რეალურად უზარმაზარი ზრდა არ აისახება ქვეყანაში სიღარიბის შემცირებაზე. ეს ბიუჯეტი, ისევე როგორც წინა ხუთი ბიუჯეტი, არის ქვეყანაში მაკროეკონომიკური არასტაბილურობის შემქმნელი. კვლავ 3%-ზე დიდია დეფიციტი და კვლავ არის ისეთი ხარჯები გაწეული, რომელიც საბოლოო ჯამში ვერ იმოქმედებს ფასების სტაბილურობასა და ლარის სტაბილურობაზე. სამწუხაროდ, მთავრობამ შემოიტანა ბიუჯეტი, რომელიც აბსოლუტურად მიუღებელია სწრაფი ეკონომიკური ზრდისთვის“,- აღნიშნა გოცირიძემ.
მონიკა დავლიანიძე