საზოგადოება

`შენების მოძრაობა` განათლების სისტემაში მომუშავე ნებისმიერი დასაქმებულის უფლებების დასაცავად იურიდიულ კონსულტაციებს იწყებს

პარტია "შენების მოძრაობის" წევრი ალუდა გოგლიჩიძე განათლების მინისტრის ალექსანდრე ჯეჯელავას განცხადებას ეხმაურება საპირფარეშოებთან დაკავშირებით.

საუბარია ჯეჯელავას განცხადებაზე, რომელშიც მინისტრმა აღნიშნა, რომ დირექტორების პასუხისმგებლობის საკითხი აუცილებლად დადგება, ყველა შემთხვევაში, სადაც შესაძლებელი იყო სველი წერტილის მოწესრიგება და ეს არ მოხდა.

გოგლიჩიძე მიიჩნევს, რომ მინისტრის ეს განცხადება არჩევნების წინ სკოლებში შიშის დანერგვისა და დირექტორებზე მავნე ზეგავლენის მოხდენის მცდელობაა.

"შენების მოძრაობა" განათლების სისტემაში მომუშავე ნებისმიერი დასაქმებულის უფლებების დასაცავად იურიდიულ კონსულტაციებს იწყებს.

ალუდა გოგლიჩიძე სკოლებში არასწორად გადანაწილებულ ბიუჯეტზეც საუბრობს. მისი განცხადებით, სწორედ ამიტომ არ არის სანიტარული ნორმები დაცული.

განათლების მინისტრის განცხადებით, საპირფარეშოების თემა, ნომერ პირველი პრიორიტეტია სკოლებში და ამის გამო იგი მზად არის თანამდებობიდან გაათავისუფლოს ნებისმიერი სკოლის დირექტორი.