უკან

უახლესი ამბები

დღის კალენდარი

ანონსები

არქივი

პოლიტიკა

25 თებერვალი, 2020 16:25
font-size

შექმნილი სიტუაციის გამო, ხელისუფლება ცაიტნოტშია და დგას დიდი დილემის წინაშე - გელა კვაჭანტირაძე

დამოუკიდებელ ექსპერტთა ასოციაციის თავმჯდომარემ - გელა კვაჭანტირაძემ ბოლო პერიოდის პოლიტიკურ მოვლენებთან დაკავშირებით განცხადება გააკეთა.

„ როგორც ცნობილია, უკვე იწურება ის გონივრული ვადა, რომლის შემდეგ ხელისუფლებას და ოპოზიციას შორის საარჩევნო სისტემის ცვლილების თაობაზე დისკუსია პრაქტიკულად აზრს დაკარგავს, რადგან ამის შემდეგ რეფორმების გატარებაზე რომც შეთანხმდნენ, აუცილებელი პროცედურული მომენტების გამო ეს უბრალოდ დროში ვეღარ მოესწრება.

რა სიტუაცია გვაქვს ამ მომენტისთვის?!

ოპოზიციის ერთიანი პოზიცია კვლავ ორი პუნქტისგან შედგება:

1. ხელისუფლების მიერ პოლიტიკური ნიშნით დაპატიმრებული ადამიანების უპირობოდ განთავისუფლება და ოპოზიციაზე რეპრესიების შეწყვეტა

2. ხელისუფლების მიერ დაპირებული - სამართლიანი, პროპორციული არჩევნების სისტემის მიღება
ოპოზიცია მზად არის მოლაპარაკების პროცესისთვის და არაერთი გონივრული, კომპრომისული ვარიანტებიც შესთავაზა ხელისუფლებას.

მიუხედავად ამისა, ხელისუფლება აგრძელებს თავისი ხისტი პოზიციის შენარჩუნებას, არ წყვეტს ოპოზიციის დევნას და როგორც სჩანს არც აპირებს რაიმე კონსტრუქციული ნაბიჯების გადადგმას. ერთადერთი „სიახლე“ რაც მათ რიტორიკაში გაჩნდა, ჩვენი დასავლელი პარტნიორების არაერთი გაფრთხილების და მოწოდების შემდეგ, ისაა რომ ცდილობენ მოლაპარაკების ჩაშლა უტიფრად გადააბრალონ ოპოზიციას, რაც რა თქმა უნდა სრულიად მოკლებულია დამაჯერებლობას.

ხელისუფლების ამ „ჩიხურ“ მდგომარეობას, რომელიც მან თავად შექმნა, კიდევ უფრო მეტ დრამატიზმს სძენს ამ ბოლო პერიოდში ფრანგული კომპანია IPSOS-ის მიერ ჩატარებული ძალიან კომპეტენტური და სიღრმისეული კვლევის შედეგები, რომელიც გვიჩვენებს, რომ

ამ მომენტისთვის სახელისუფლებო პარტიის რეიტინგი უკვე მნიშვნელოვნად ჩამოუვარდება პროდასავლური ოპოზიციური პარტიების ჯამურ რეიტინგს (სხვაობა დაახლოებით 16% -ია ოპოზიციის სასარგებლოდ), ხოლო ივანიშვილის რეიტინგი უკვე ნაკლებია სააკაშვილის რეიტინგზე !

რაც იმაზე მიუთითებს, რომ

ხელისუფლების ნაცადი და ერთადერთი საარჩევნო სტრატეგია და ტაქტიკა, რომ გააგრძელოს სააკაშვილის დემონიზება და შეაშინოს ამომრჩეველი ნაციონალების ხელისუფლებაში დაბრუნებით, უკვე აღარ მუშაობს !!!

ამომრჩევლის განწყობების დინამიკის გათვალისწინებით მოსალოდნელია, რომ არჩევნებამდე დარჩენილ პერიოდში ძველი ტაქტიკა მითუმეტეს ვეღარ იმუშავებს, ხოლო რაიმე პოზიტიურის რეალურად შეთავაზება ხელისუფლებას არ შეუძლია, რაც რა თქმა უნდა მათ შანსებს კიდევ უფრო ამცირებს.

შექმნილი სიტუაციის გამო, ხელისუფლება ცაიტნოტშია და დგას დიდი დილემის წინაშე:

1. ან დათანხმდეს პროპორციულ არჩევნებს, შეამციროს რეპრესიული წნეხი ოპოზიციაზე და დემოკრატიულ ფორმატში წააგოს არჩევნები (ხელისუფლების წაგების ალბათობა ძალიან მაღალია)
2. ან, გააგრძელოს ოპოზიციურ პარტიებზე რეპრესიული ზეწოლა, საბოლოოდ ჩაშალოს ოპოზიციასთან დიალოგი და ამით უარი თქვას დაპირებული პროპორციული (სამართლიანი) საარჩევნო სისტემის მიღებაზე, რაც რა თქმა უნდა კიდევ უფრო დააჩქარებს ხელისუფლების რეიტინგის ვარდნას და ოქტომბრის საპარლამენტო არჩევნების წინ მისი მდგომარეობა კიდევ უფრო მძიმე იქნება დღევანდელთან შედარებით.

ხელისუფლებამ ამ „გადაუჭრელი“ დილემის წინაშე თავი თავად დაიყენა საკუთარი უგნური და არაკომპეტენტური პოლიტიკის გამო. ამიტომ თუ ის კვლავ ჯიუტად გააგრძელებს თავის ხისტ და არადემოკრატიულ პოლიტიკას, მაშინ არჩევნებზე რა თქმა უნდა ძალიან დიდი კრახი ელოდება.

თუ ხელისუფლება გაბედავს და გულში გაივლებს არჩევნების გაყალბებას, ამით ის თავად გაუკეთებს პროვოცირებას ქვეყნისთვის ძალიან არასასურველ რევოლუციურ პროცესს, რაც მისთვის კარგად ნამდვილად არ დამთავრდება, რადგან ქართველი ხალხი არჩევანის უფლების წართმევის არცერთ ვარიანტში არ მოითმენს.

ხოლო თუ ხელისუფლება მიიღებს ოპოზიციის და საერთაშორისო საზოგადოების პირობებს და დაუყონებლივ დაუბრუნდება დემოკრატიულ პროცესს, მაშინ მაღალი ალბათობით, ივანიშვილს მოუწევს არჩევნების გზით ხელისუფლების მშვიდობიანი გადაბარება, რაც ძალიან წაადგება ქვეყნის საერთაშორისო იმიჯის გადარჩენას და გახსნის გზას ქვეყნის წინსვლის და განვითარებისთვის.

ივანიშვილის ხელისუფლების ასეთ „ჩიხურ“ სიტუაციაში მოხვედრამ, ცხადია მნიშვნელოვნად გაუმარტივა ამოცანა ოპოზიციას. როგორც ყველა სოციოლოგიური კვლევა აჩვენებს, მთავარი მოთხოვნა, რომელიც ამომრჩევლისგან გამოიკვეთა ოპოზიციის მიმართ, ესაა მისი ერთიანობა და ამ ერთიანობის შენარჩუნება. თუმცა, ჩემი აზრით, ოპოზიციის გამარჯვება და ხელისუფლების ცვლილების საკითხი - ეს, აუცილებელი, მაგრამ სრულიად არასაკმარისი პირობაა ქვეყნის განვითარების და მოსახლეობის ცხოვრების დონის გაუმჯობესებისთვის.

ძალიან კარგია, რომ ოპოზიციურმა პარტიებმა უკვე დაიწყეს ერთმანეთთან კონსულტაციები სამართალდამცავი სტრუქტურების რეფორმის აუცილებლობაზე, რათა სამომავლოდ გამოირიცხოს რომელიმე პოლიტიკური ძალის მხრიდან ძალაუფლების მიტაცების ყველა შანსი, მაგრამ ვფიქრობ არანაკლებ მნიშვნელოვანია ქვეყნის სოციალურ-ეკონომიკური განვითარების უზარმაზარი პრობლემა.

თანამედროვე განვითარებული სამყარო უკვე გადადის ინდუსტრიული რევოლუციის 4.0 ფაზაში და თუ ჩვენ დროის მოთხოვნებს ვერ ვუპასუხეთ, მაშინ ვერანაირი ხელისუფლების ცვლა ვერ გვიშველის და თანამედროვე კონკურენტულ გარემოში ვერ შევძლებთ წინსვლას და განვითარებას.

ჩემი აზრით, სულ უფრო ნათლად იკვეთება ის ტენდენცია, რომ ძალაუფლებისთვის ბრძოლაში იმ პოლიტიკურ ძალებს ექნებათ წარმატება და სამომავლო პერსპექტივა, რომლებიც შეძლებენ საზოგადოებას წარუდგინონ ქვეყნის სწრაფი ეკონომიკური ზრდის და განვითარების საერთაშორისო მასშტაბით კონკურენტუნარიანი პროგრამა, პროგრამის განხორციელების რეალური მექანიზმები და სხვა დამაჯერებელი გარანტიები!“. - ნათქვამია განცხადებაში.

გიორგი გახარიამ სამეზობლო პოლიტიკისა და გაფართოების საკითხებში ევროკომისარ ოლივერ ვარჰელისთან ვიდეოკონფერენცია გამართა

7 აპრილი, 2020 , 15:40

საქართველოს პრემიერ-მინისტრმა გიორგი გახარიამ სამეზობლო პოლიტიკისა და გაფართოების საკითხებში ევროკომისარ ოლივერ ვარჰელისთან ვიდეოკონფერენცია გამართა. მთავრობის ადმინისტრაციის ინფორმაციით, საუბრის ძირითადი თემა იყო გლობალ

პარლამენტის თავმჯდომარემ ვიცე-სპიკერებთან, ფრაქციებისა და კომიტეტების ხელმძღვანელებთან ონლაინ შეხვედრა გამართა

6 აპრილი, 2020 , 19:56

პარლამენტის თავმჯდომარემ, არჩილ თალაკვაძემ ვიცე-სპიკერებთან, ფრაქციებისა და კომიტეტების ხელმძღვანელებთან უმრავლესობის ფორმატში ონლაინ სამუშაო შეხვედრა გამართა. პარლამენტის პრესსამსახურის ცნობით, ონლაინ-შეხვედრაზე კოვიდ19

ოპოზიციური პარტიები სხვადასხვა ქვეყნის მთავრობებს და საერთაშორისო ორგანიზაციებს მიმართავენ

3 აპრილი, 2020 , 12:20

ოპოზიციური პარტიები ავრცელებენ მიმართვას, რომლის ადრესატებიც აშშ-ს მთავრობა, დიდი ბრიტანეთის მთავრობა, კანადის მთავრობა, ნორვეგიის მთავრობა, შვეიცარიის მთავრობა, ევროკავშირი, მსოფლიო ბანკი, სავალუტო ფონდი, ევროპის განვით

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება - ირაკლი კობახიძე

2 აპრილი, 2020 , 19:24

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება. აღნიშნულ საკითხთან დაკავშირებით საბოლოო კონსულტაციები დისტანციურ რეჟიმში გაიმართა, - ამის შესახებ საპარლამენტო უმრავლესობის წევ

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსივით რაღაც დაპირებები გავცეთ - გიორგი გახარია

2 აპრილი, 2020 , 12:15

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსებივით რაღაც დაპირებები გავცეთ. ჩვენი პასუხისმგებლობა ცოტა სხვა არის, ჩვენი პასუხისმგებლობა ნიშნავს იმას, რომ თითოეული ნათქვამი სიტყვა უნდა შესრულდეს და ასე

ჩვენ დღეს თავისუფალ ქვეყანაში ვცხოვრობთ და ევროპულ სახელმწიფოს ვაშენებთ. ამაში ზვიად გამსახურდიას დიდი წვლილი მიუძღვის - გიორგი გახარია

31 მარტი, 2020 , 20:42

ჩვენ დღეს თავისუფალ და დამოუკიდებელ ქვეყანაში ვცხოვრობთ და ევროპულ სახელმწიფოს ვაშენებთ, რაშიც ზვიად გამსახურდიას დიდი წვლილი მიუძღვის, – ამის შესახებ საქართველოს პრემიერ-მინისტრი სოციალურ ქსელში წერს. „დღეს

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`