პოლიტიკა

შესაძლოა, პრეზიდენტის არაპირდაპირი არჩევის წესი 2023 წლის ნაცვლად 2018 წლისთვის ავამოქმედოთ - ზაზა გაბუნია

„ქართული ოცნების“ წევრი ზაზა გაბუნია არ გამორიცხავს, რომ პრეზიდენტის არჩევის პირდაპირი წესი 2018 წლისთვის გაუქმდეს. მან აღნიშნა, რომ შესაძლო აჩქარების მიზეზი პრეზიდენტის ადმინისტრაციისა და ოპოზიციის დამოკიდებულებაა ამ საკითხზე.

„არგუმენტები, რატომ არ უნდა იყოს კოლეგიის მიერ არჩეული საპარლამენტო რესპუბლიკაში პრეზიდენტი, ვერ მოვისმინეთ. რაც შეეხება წესის ამოქმედების დროს, ჩვენ სწორი კომპრომისული ვარიანტი დავუშვით, ვამბობთ, რომ ვახანგრძლივებთ ამოქმედების ვადას და არა 2018, არამედ 2023-ში ავამოქმედებთ.

ოგორც ჩანს, ეს დათმობა, გონივრული კომპრომისი პრეზიდენტის ადმინისტრაციამ და ოპოზიციამ არ მიიღეს ასევე გონივრულად. ამიტომ ვიფიქრებთ, რამდენად აქვს აზრი ასეთი ოპონენტენის პირობებში გონივრულ კომპრომისებს. ჩვენ ამაზეც ვიფიქრებთ“, - განაცხადა გაბუნიამ.

ანა მებურიშვილი