უკან

უახლესი ამბები

დღის კალენდარი

ანონსები

არქივი

პოლიტიკა

1 თებერვალი, 2018 12:40
font-size

შეწყალების წესში ცვლილება შედის

პრეზიდენტის ინიციატივით, შეწყალების წესში ცვლილება შედის.

აღნიშნულის შესახებ პრეზიდენტის ადმინისტრაციაში დღეს გამართულ ბრიფინგზე გახდა ცნობილი.

შეწყალების კომისიის თავმჯდომარემ, ზვიად ქორიძემ განაცხადა, რომ ცვლილებების შედეგად, შეწყალების წესი უფრო ჰუმანური ხდება გარკვეული კატეგორიის დანაშაულებებთან მიმართებაში.

,,მაქვს პატივი გამცნოთ, რომ დღეს საქართველოს პრეზიდენტის ინიციატივით შეწყალების წესში გარკვეული ცვლილებები შედის და იგი უფრო ჰუმანური ხდება იმ დანაშაულებებთან მიმართებაში, რომელიც არაძალადობრივია. არაძალადობრივია დანაშაულებები, რომლებიც ჩადენილი არ არის ძალადობით ან ძალადობის მუქარით.

კერძოდ, საქართველოს პრეზიდენტმა შეწყალების კომისიას მისცა საშუალება, რომ ვადის კრიტერიუმების გარეშე განიხილოს იმ მსჯავრდებულთა თხოვნა შეწყალების თაობაზე, რომლებმაც ჩაიდინეს ნარკოტიკული დანაშაულები, გარდა ნარკოტიკული და ფსიქოტროპული საშუალებების გასაღებისა, ასევე განსაკუთრებით დიდი ოდენობით ნარკოტიკული საშუალებების შეძენა/შენახვისა და შემოტანა/ტრანზიტისა.

შეწყალების კომისიამ ასევე, შეიძლება არსებითად განიხილოს იმ პირთა შეწყალების თხოვნა, რომლებიც არიან გასამართლებული სისხლის სამართლის კოდექსის 381-ე მუხლით - ეს არის სასამართლოს გადაწყვეტილების უგულებელყოფა და თუ მათ ეს სასჯელი დაეკისრათ იმის გამო, რომ განაჩენით ჰქონდათ დაკისრებული შეზღუდვა ნარკოტიკული დანაშაულის წინააღმდეგ ბრძოლის შესახებ სპეციალური კანონის მიხედვით, მათ ეს შეზღუდვები დაარღვიეს და ამის შემდეგ მათზე უკვე ამოქმედდა 381-ე მუხლი და ამის გამო იხდიან ისინი დღეს სასჯელს საქართველოს პენიტენციალური დაწესებულების სისტემაში.

ასეთივე წესით, კომისიამ უნდა განიხილოს იმ პირის თხოვნა შეწყალების თაობაზე, რომელმაც პირველად ჩაიდინა დანაშაული საკუთრების წინააღმდეგ; ეკონომიკური, ფინანსური და სამოხელეო ხასიათის დანაშაულები და ეს დანაშაულები არ ჩაუდენია ძალადობით, ან ძალადობის მუქარით.

ამ დანაშაულებზე მსჯავრდებულ პირებს შეუძლიათ მიმართონ პრეზიდენტს, როგორც კი დასრულდება საქმის განხილვა სამივე სასამართლო ინსტანციაში, ან გასული იქნება ზემდგომ ინსტანციაში გასაჩივრების ვადა, ხოლო კომისია არსებითად განიხილავს მათ საქმეებს“, - განაცხადა ზვიად ქორიძემ.

ვისაუბრეთ რა ნაბიჯები უნდა გადაიდგას, რათა ჩვენი ეკონომიკების თავსებადობა მაღალი იყოს - გიორგი გახარია

16 სექტემბერი, 2019 , 16:30

გიორგი გახარია სამეზობლო პოლიტიკისა და გაფართოების საკითხებში ევროკომისარ იოჰანეს ჰანს შეხვდა. ,,ვისაუბრეთ, რა ნაბიჯები უნდა გადაიდგას, როგორც ინსტიტუციონალურ, ასევე, საკანონმდებლო მიმართულებით, რათა ჩვენი ეკონომიკების თ

ჩვენთვის საქართველო არის მოწინავე ქვეყანა აღმოსავლეთ სამეზობლოში, განსაკუთრებით სამართლის უზენაესობის მიმართულებით - იოჰანეს ჰანი

16 სექტემბერი, 2019 , 16:30

„ევროკავშირი და საქართველო ძალიან მჭიდრო პარტნიორები და მეგობრები არიან. ვადასტურებ იმას, რაც ბრძანა პრემიერ-მინისტრმა, ვისაუბრეთ იმის შესახებ, რომ უფრო გაღრმავდეს ჩვენი თანამშრომლობა. განსაკუთრებით ისეთი პოტენციალ

ყველაფერი უნდა გავაკეთოთ, რათა ევროკავშირის სადამკვირვებლო მისიის მანდატი აღსრულდეს მთელს ოკუპირებულ ტერიტორიაზე - გიორგი გახარია

16 სექტემბერი, 2019 , 16:09

ყველაფერი უნდა გავაკეთოთ, რათა ევროკავშირის სადამკვირვებლო მისიის მანდატი აღსრულდეს მთელს ოკუპირებულ ტერიტორიაზე, რამაც ხელი უნდა შეუწყოს ჩვენი მოქალაქეების უსაფრთხოების დაცვის უზრუნველყოფას, - ამის შესახებ საქართველოს პ

გია ვოლსკიმ თქვა, რომ თურმე ამოცანა ჰქონიათ, არ დაუწესდეს რუსეთს სანქციები - გიგა ბოკერია

16 სექტემბერი, 2019 , 15:50

დღეს მოხდა აღიარებითი ჩვენება, გია ვოლსკიმ თქვა, რომ თურმე ამოცანა ჰქონიათ, არ დაუწესდეს რუსეთს სანქციები, – ასე შეაფასა „ევროპული საქართველოს“ წევრმა, გიგა ბოკერიამ საპარლამენტო უმრავლესობის ლიდერის, გ

„ევროპული საქართველოს“ მხრიდან დღემდე არ წყდება ქვეყნისა და ხალხისთვის ზიანის მომტანი აქტივობების ინიცირება - გია ვოლსკი

16 სექტემბერი, 2019 , 14:15

საქართველოს აღმასრულებელ ხელისუფლებას არ სჭირდება კარნახი, როგორ და რა გზით უზრუნველყოს ეროვნული ინტერესების დაცვა, - ამის შესახებ საპარლამენტო უმრავლესობის ლიდერმა, გია ვოლსკიმ განაცხადა. დღეს გამართულ პრესკონფერენციაზე

ისრაელის პრესა: „სკამზე მიწებებულ“ ისრაელის ელჩს შაბთაი ცურს საელჩოდან წასვლა არ სურს

16 სექტემბერი, 2019 , 14:12

ისრაელის გავლენიანი გამოცემა „იედიოთ ახრონოთი“ (14.09.2019) საქართველოში ისრაელის ელჩისთვის, შაბთაი ცურისთვის ამ თანამდებობაზე ვადის 2019 წლის ბოლომდე გახანგრძლივებას უძღვნის სტატიას, სათაურით „მუდმივი

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს