უკან

უახლესი ამბები

დღის კალენდარი

ანონსები

არქივი

კომენტარი

8 ნოემბერი, 2017 12:45
font-size

შიში, რომ დეკრიმინალიზაციის შემთხვევაში მომხმარებელთა რაოდენობა გაიზრდება არაფრით არაა გამყარებული - დავით ოთიაშვილი

ნარკოპოლიტიკის დეკრიმინალიზაციის კანონპროექტის ერთ-ერთი ავტორი, ნარკოპოლიტიკის ეროვნული პლატფორმის წარმომადგენელი, ექიმი-ნარკოლოგი დავით ოთიაშვილი აცხადებს, რომ სახელმწიფოსთვის შეთავაზებულ პროექტში საუბარია იმაზე, რომ იმ ადამიანების მიმართ აღარ იყოს გამოყენებული სისხლის სამართლის პასუხისმგებლობა, ვინც მცირე ოდენობით ფლობს ამა თუ იმ ნარკოტიკს პირადი მოხმარების მიზნით.

ამის შესახებ ოთიაშვილმა ჟურნალისტებს იმ კონფერენციის ფარგლებში განუცხადა, რომელზეც ნარკოპოლიტიკის შესახებ ინიცირებულ საკანონმდებლო პაკეტზე მსჯელობენ. კონფერენციას დარგის სპეციალისტები, ძალოვანი უწყების წარმომადგენლები და უცხოელი ექსპერტები ესწრებიან.

„ჩვენ არ ვეხებით ნარკოტიკების გასაღებას. კანონმდებლობა ამ მიმართულებით ძალიან მკაცრია საქართველოში და ამ კანონპროექტით ასეც რჩება.

ჩვენი პაკეტი ეხება იმ ადამიანებს, ვინც მოიხმარს, მაგრამ არ არის ჩართული ნარკოტიკების გასაღებაში. კანონპროექტით სახელმწიფოს ვთავაზობთ, ამ ადამიანების მიმართ აღარ იყოს გამოყენებული სისხლის სამართლის პასუხისმგებლობა, როდესაც ისინი მცირე ოდენობით ფლობენ ამა თუ იმ ნარკოტიკს პირადი მოხმარების მიზნით.

იმ შემთხვევაში, თუ ადამიანს, თუნდაც არ ასაღებდეს, აღმოაჩნდება დიდი ოდენობით ნარკოტიკული საშუალება, ის კვლავ დაექვემდებარება სისხლის სამართლის პასუხისმგებლობას. თუ ადამიანს აქვს კანონით განსაზღვრული დღიური ნორმის ფარგლებში, ეს გულისხმობს ადმინისტრაციულ პასუხისმგებლობას. ეს დღიური ნორმები განისაზღვრება ყველა ნარკოტიკულ საშუალებასთან მიმართებაში. ადმინისტრაციული პასუხისმგებლობა არ გულისხმობს მხოლოდ ფულად ჯარიმას, შეფასებისა და გადამისამართების კომისიებს, რომელიც იქნება კრიტიკული სტრუქტურა ახალ მოდელში, ექნება მთელი რიგი სანქციებისა, რომელიც შესაძლოა დაუწესონ ადამიანებს, თუ ისინი გააგრძელებენ საზოგადოებრივი წესრიგის დარღვევას“, - აღნიშნა ოთიაშვილმა.

მისი თქმით, შიში, რომ დეკრიმინალიციის შემთხვევაში მომხმარებელთა რაოდენობა გაიზრდება, არაფრით არ არის გამყარებული.

„ერთ - ერთი ძირითადი არგუმენტი რეფორმის ოპონენტების არის შიში, რომ გაიზრდება მომხმარებელთა რაოდენობა და გაიზრდება ხელმისაწვდომობა ნარკოტიკების. ეს ვარაუდი არაფრით არაა გამყარებული. არც ერთი ქვეყნის მაგალითი არ გვკარნახობს ამას. ნარკოტიკების მოხმარება და ფლობა, თუნდაც მინიმალური ოდენობით, დარჩება დასჯად ქმედებად, უბრალოდ თუ ადამიანი ფლობს საკუთარი მოხმარებისთვის, არ ასაღებს და აქვს მცირე ოდენობით, ის სისხლის სამართლის პასუხისმგებლობას აღარ დაექვემდაბარება. ადმინისტრაციული პასუხისმგებლობა კვლავ ძალაში დარჩება. ასევე, ამ ადამიანებს მიეცემათ შესაძლებლობა, გაიარონ მკურნალობის და რეაბილიტაციის კურსი“, - განაცხადა ოთიაშვილმა.

მონიკა დავლიანიძე

ქვეყანა სესხულობს, პროცენტი ჩართულია და ფული გაჩერებული, ეს ჩვენი მთავრობის უთავბოლობის, არაპროფესიონალიზმის ბრალია - დავით ჭიჭინაძე

26 მაისი, 2020 , 17:53

ქვეყნის ინფრასტრუქტურა, რეგიონალური განვითარება, რეგიონებს შორის კოორდინაცია - ეს არ არის მარტივი საქმე და მინისტრი, რომელიც ამ თანამდებობას იკავებს, დარგის პოლიტიკას უნდა განსაზღვრავდეს და არა ადამიანი, რომელსაც კანცელა

სტრასბურგის სასამართლოს გადაწყვეტილებაში წერია, რომ სახელმწიფომ მოკლა „ციხის ბუნტის“ დროს პატიმრები - ანრი ოხანაშვილი

25 მაისი, 2020 , 15:17

საინტერესოა, რას ეტყვიან „ნაციონალური მოძრაობის“ წარმომადგენლები „ციხის ბუნტის“ საქმეზე იმ ადამიანებს და მათ ოჯახებს, რომელთა საქმეზე სტრასბურგის სასამართლომ დაადგინა მე-2 მუხლის, კერძოდ, სიცოხლის

მთელი მსოფლიოს აზრი ცნობილია ანაკლიაზე და „ქართული ოცნების’’ მავნებლურ, ანტისახელმწიფოებრივ პოლიტიკაზე - გრიგოლ გეგელია

22 მაისი, 2020 , 17:45

„ლელო საქართველოსთვის" ერთ-ერთი ლიდერის, გრიგოლ გეგელიას განცხადებით, სავალალოა, რომ საქართველოს ხელისუფლებაზე უკეთ სხვა სახელმწიფოებს ესმით ის თუ, რა არის საუკეთესო ჩვენი ქვეყნისთვის. გეგელიას განცხადებით, ევროპარ

ნატო ჩხეიძე: კაცს რომ დამპყრობელი არგონავტები ჩვენი სამშობლოს სიმბოლო ჰგონია, რა გასაკვირია, პარლამენტის რიგიანი მუმაობა მასკარადი ეგონოს

22 მაისი, 2020 , 14:17

დამოუკიდებელი დეპუტატი ნატო ჩხეიძე პრემიერ-მინისტრ გიორგი გახარიას განცხადებას: „ჩვენ გუშინ აღმოვაჩინეთ, რომ გაგვეხსნა ახალი ფრონტი, პოლიტიკური მასკარადის სახით“, სოციალურ ქსელში ეხმაურება.  „სერიი

დიდი მადლობა ირაკლი კობახიძეს კომპლიმენტისთვის - გიგა ბოკერია

21 მაისი, 2020 , 17:13

„გულწრფელად მინდა ვთქვა, რომ ადამიანი ყველა საქმეში, რაშიც არის, უნდა ეცადოს, რომ იყოს პირველი, თუ გოიმი ხარ, ჯობია ნომერ პირველი გოიმი იყო,“ – ასე გამოეხმაურა პარტია „ევროპული საქართველოს“

გიგა ბოკერია არის ნომერ პირველი გოიმი ამ გოიმების სპექტრში - ირაკლი კობახიძე

21 მაისი, 2020 , 16:50

„საქართველოში არ არის ადამიანი, ვინც არ იცის, რა არის გოიმობა და ასევე საზოგადოებამ იცის, რას ნიშნავს გოიმური ქცევა, გოიმური საუბარი. ეს ყველაფერი ვნახეთ „ლეიბორისტული პარტიის“ ოფისში რამდენიმე დღის წინ