უახლესი ამბები
არქივი
კომენტარი
შორენა წარმოადგენს საქართველოს ეკლესიის და საქართველოს სახელმწიფოებრიობის მტრების პოზიციას - მეუფე პეტრე
ჭყონდიდის მიტროპოლიტი, მეუფე პეტრე საქართველოს საპატრიარქოში პატრიარქის მდივან-რეფერანტის შორენა თეთრუაშვილის გავლენაზე ამახვილებს ყურადღებას და ამბობს, რომ ის წარმოადგენს საქართველოს მტრების პოზიციას საპატრიარქოში.
საპატიმროში დეკანოზ გიორგი მამალაძის მონახულების შემდეგ ჟურნალისტებთან გაკეთებულ კომენტარში ჭყონდიდელი მიტროპოლიტი მეუფე იაკობის მიერ გაკეთებულ განცხადებებსაც გამოეხმაურა.
,,მეუფე იაკობზე ვთქვი, რომ პატრიოტი ადამიანია, მაგრამ ის არის ასევე შემადგენელი ნაწილი ამ ინტრიგისა უნებლიედ. დღემდე იბრძვიან ის ძალები, რომლებმაც მსგავსი მმართველობა დაამკვიდრეს ქვეყანაში და ეკლესიაში კი, ამ ქალის მმართველობა. ეს არის ტრაგედია და ნამდვილად ამ საუკუნის პრობლემა. ჩვენ, ქართველი ერი, ერთად ქრისტეს მოსიყვარულე, სახელმწიფოებრივად მოაზროვნე და ეროვნული სულისკვეთების ადამიანები ამ საქმეს აუცილებლად მივიყვანთ ბოლომდე. შორენა წარმოადგენს საქართველოს ეკლესიის და საქართველოს სახელმწიფოებრიობის მტრების პოზიციას. ამას მთელი პასუხიმსგებლობით ვაცხადებ " - განაცხადა მეუფე პეტრემ.
ნინო ექვთიმიშვილი