კომენტარი

შოთაძისთვის რაიმეს დაბრალებას, თორდიას ურჩევნია მოყვეს სინამდვილეში რა მოხდა- სოზარ სუბარი

ლტოლვილთა და განსახლების მინისტრის, სოზარ სუბარის განცხადებით, ბოლო რამდენიმე დღეა, სახელმწიფო აუდიტის სამსახურის უფროსი თანამდებობრივ უფლებამოსილებას გაცდა და პოლიტიკურ თამაშებში გადავიდა.

ამის შესახებ სუბარმა, ლაშა თორდიასთან დაკავშირებით დღეს გავრცელებულ ვიდეო მასალაზე საუბრისას განაცხადა.

მინისტრის თქმით, მას ვიდეო არ უნახავს და თორდიას ურჩევს, კადრების გავრცელებაში ირაკლი შოთაძის დადანაშუალების მაგივრად, მოყვეს რა მოხდა იმ ბარში სინამდვილეში.

„შოთაძისთვის რაღაცის დაბრალებას ურჩევნია მოყვეს რა მოხდა სინამდვილეში. მე არ ვიცი რა ხდებოდა. ზოგადად, ერთი რამე მინდა ვთქვა. ბოლო რამდენიმე დღის განმავლობაში, სახელმწიფო აუდიტის ხელმძღვანელები რა განცხადებებსაც აკეთებენ, მეჩვენება, რომ გაცდა მათ თანამდებობრივ უფლებამოვალეობებს და გადავიდნენ რაღაც პოლიტიკურ თამაშებში“,-განაცხადა სუბარმა .

დღეს გამართულ ბრიფინგზე, სახელმწიფო აუდიტის სამსახურის უფროსმა ლაშა თორდიამ განაცხადა, რომ გავცრელებულ ვიდეო მასალასთან კავშირი მთავარ პროკურორს ირაკლი შოთაძეს აქვს.

მონიკა დავლიანიძე