სამართალდამცავები კომპანია ,,კრისტალის“ ხელმძღვანელი ლევან დაუთაშვილი დააკავეს. სხვა თანამშრომლების დაკითხვა კი ამ დრომდე მიმდინარეობს. აღძრულია სისხლის სამართლის საქმე 240–ე და 288–ე მუხლებით, რაც 2-დან 5 წლამდე თავისუფლების აღკვეთას ითვალისწინებს. ბრალდება სამუშაოების წარმოებისას უსაფრთხოების ზომების დარღვევას და ბუნებაზე არასასურველი ნივთიერებით არასათანადო მოპყრობას გულისხმობს.

შეგახსენებთ, რომ გუშინ ღამით კახეთის გზატკეცილზე, საქნავთობის დასახლებაში შპს ,,კრისტალის“ ავზიდან ქლორმა გაჟონა. შემთხვევის შედეგად 73 მოქალაქე მოიწამლა. მათი ნაწილი კვლავ საავადმყოფოებში რჩება. მოწამლულთაგან ერთ–ერთის, 18 წლის ლაშა ნარიმანიძის მდგომარეობა ამ დრომდე კრიტიკულია.