პოლიტიკა

შს მინისტრთან აფგან მუხტარლის საქმის გარდა, „ბირჟა მაფიის“ წევრების საკითხზე ვისაუბრეთ - გია ჟორჟოლიანი

საპარლამენტო უმრავლესობის წევრის, გია ჟორჟოლიანის ინფორმაციით, შინაგან საქმეთა მინისტრთან შეხვედრაზე აზერბაიჯანელი ჟურნალისტის აფგან მუხთარლის საქმის გარდა, ჯგუფ "ბირჟა მაფიის" წევრების საკითხზეც იყო საუბარი.

როგორც გია ჟორჟოლიანმა "ქართული ოცნების" ცენტრალურ ოფისში გამართული შეხვედრის შემდეგ აღნიშნა, შეხვედრაზე ქვეყანაში მიმდინარე აქტუალურ საკითხებზეც იმსჯელეს.

"ვისაუბრეთ პოლიციაში არსებულ ვითარებაზე. შეხვედრის დროს ასევე აზერბაიჯანელი ჟურნალისტის და რეპერების საქმეზეც ვიმსჯელეთ. გამოძიება ინტენსიურად მუშაობს და აუცილებელია, რომ სწრაფად დასრულდეს", - განაცხადა გია ჟორჟოლიანმა.

ნინო ექვთიმიშვილი