საზოგადოება

შშმ ბავშვთა მშობლებმა ჯანდაცვის სამინისტროს საყოველთაო ჯანდაცვის პროგრამაში არსებული ხარვეზების გამოსწორებისკენ მოუწოდეს

შეზღუდული შესაძლებლობის მქონე ბავშვთა მშობლებმა ჯანდაცვის სამინისტროსთან აქცია გამართეს. მათი მტკიცებით, საყოველთაო ჯანდაცვის პროგრამა ხარვეზებს შეიცავს, რადგან კერძო კლინიკები დაზღვევით გათვალისწინებულ მომსახურებაში თანხას ახდევინებენ.

მოგვიანებით შეკრებილებს სამინისტროს წარმომადგენლები შეხვდნენ.

როგორც აქციის ერთ-ერთმა მონაწილემ, „განვითარების ცენტრის“ აღმასრულებელმა დირექტორმა თამარ იარაჯულმა შეხვედრის დასრულების შემდეგ ჟურნალისტებს განუცხადა, უწყება ხარვეზები აღიარა და მის გამოსწორებას დაპირდა.

„არსებობს ეს ხარვეზი და შეგვპირდა, რომ აუცილებლად გამოსწორდება და რაც მთავარია, მინდა რეგიონებში მივაწოდო ყველა შეზღუდული შესაძლებლობის მქონე ადამიანს ინფორმაცია, რომ ისარგებლონ ამ დაზღვევით. არსებობს ისევ ეს პაკეტი და არავითარ შემთხვევაში არ მოატყუებინონ თავი არცერთ კლინიკას“, -თქვა იარაჯულმა.