სამართალი

შსს: 2017 წელს ოჯახში ფსიქოლოგიური ძალადობის 4176 შემთხვევა დაფიქსირდა

შსს-ს სტატისტიკის თანახმად, 2017 წელს ოჯახში ფსიქოლოგიური ძალადობის 4176 და სექსუალური ნიადაგზე ძალადობის 9 შემთხვევა დაფიქსირდა. ინფორმაციას ამის შესახებ საინფორმაციო სააგენტო „ინტერპრესნიუსი“ ავრცელებს.

შინაგან საქმეთა სამინისტროს 2017 წლის სტატისტიკაში, რომელიც ძალადობის სახეებსა და შემაკავებელი ორდენების გაცემას ეხება, ნათქვამია, რომ ოჯახური ძალადობის მსხვერპლები ყველაზე ხშირად ფსიქოლოგიურ ძალადობას განიცდიან.

სტატისტიკის თანახმად, გასულ წელს ოჯახში ფსიქოლოგიური ძალადობის 4176 შემთხვევა დაფიქსირდა, ფიზიკური ძალადობის - 990, ეკონომიკური ძალადობის- 143, იძულების - 97, ხოლო უგულებელყოფის 24 შემთხვევა დაფიქსირდა.

შსს-ს სტატისტიკის მიხედვით, ოჯახში ძალადობის ყველაზე მცირე შემთხვევა სექსუალურ ნიადაგზე განხორციელებული ძალადობაა. აღნიშნული 9 შემთხვევიდან 3-3 თბილისსა და ბათუმში, 2 კახეთში, ხოლო ერთი შემთხვევა იმერეთში დაფიქსირდა.