სამართალი

შსს-მ ადიგენში მომხდარ ფიზიკურ დაპირისპირების ფაქტზე გამოძიება ძალადობის მუხლით დაიწყო

შინაგან საქმეთა სამინისტრომ ადიგენში მომხდარ ფიზიკურ დაპირისპირების ფაქტზე გამოძიება ძალადობის მუხლით დაიწყო.

როგორც უწყებაში აცხადებენ, საქმეზე გამოძიება დაწყებულია 126-ე მუხლის პირველი ნაწილის ბ ქვეპუნქტით.

შსს-ს ინფორმაციითვე, ინციდენტში მონაწილე ორივე მხარის გამოკითხვა ამ დრომდე გრძელდება.

ცნობისთვის, „ევროპული საქართველოს“ ადიგენის ორგანიზაციის თავმჯდომარის სიმონ პარუნაშვილის განცხადებით, „ევროპული საქართველოს“ მაჟორიტარ დეპუტატს ზურაბ შაინიძეს ფიზიკურად გაუსწორდნენ.

სიმონ პარუნაშვილის განცხადებით, ზურაბ შაინიძეს "ქართული ოცნების" მხარდამჭერები დაუპირისპირდნენ და მომხდარი შემთხვევითობას არ უკავშირდება.

თავის მხრივ, ადიგენის მერი ზაქარია ენდელაძე ამბობს, რომ „ევროპული საქართველოს“ წევრის განცხადება, თითქოს დაპირისპირება პოლიტიკურ ნიადაგზე მოხდა, პროვოკაციაა.

ნინო ექვთიმიშვილი