პოლიტიკა

შსს მუშაობს იმაზე, რომ წესრიგი იყოს შენარჩუნებული - შალვა ხუციშვილი

შინაგან საქმეთა მინისტრის მოადგილის, შალვა ხუციშვილის განცხადებით, სამინისტრო აქტიურად მუშაობს იმაზე, რომ არჩევნების მეორე ტურის დროს მოვლენათა ნებისმიერი განვითარების შემთხვევაში, ქვეყანაში წესრიგი იყოს შენარჩუნებული.

ამის შესახებ ხუციშვილმა მედიას უწყებათაშორისი კომისიის დასრულების შემდეგ განუცხადა.

მისი თქმით, კომისიაზე მეორე ტურის მოსამზადებელი და ადმინისტრაციული რესურსის გამოყენებასთან დაკავშირებული საკითხები განიხილებოდა.

„შინაგან საქმთა სამინისტრო მუშაობს იმაზე, რომ მოვლენათა ნებისმიერი განვითარების შემთხვევაში, ყველა მიმართულებით, შეინარჩუნოს წესრიგი და არჩევნებმა ჩაიაროს მშვიდ და თავისუფალ გარემოში. კომისიაზე ჩვენ ვიმსჯელეთ როგორც მეორე ტურის მოსამზადებელ საკითხებზე, ასევე ძირითად, მედიით გავცრელებულ ინფორმაციაზე ადმინისტრაციულ რესურსთან დაკავშირებით“,-განაცხადა ხუციშვილმა.

შეგახსენებთ, რომ საპარლამენტო არჩევნების მეორე ტური 30 ოქტომბერს გაიმართება.

მონიკა დავლიანიძე