კომენტარი

შსს ვალდებულია გამოაქვეყნოს დანაშაულის სტატისტიკა - ოთარ კახიძე

,,ნაციონალური მოძრაობის’’ წევრი ოთარ კახიძე შს მინისტრის იმ გადაწყვეტილებას გამოეხმაურა, რომლის თანახადამაც, შსს დანაშაულის სტატისტიკას აღარ აქვეყნებს.

როგორც ოთარ კახიძე განმარტავს, შსს ვალდებულია ყოველთვიურად გამოაქვეყნოს სტატისტიკა.

,,შინაგან საქმეთა სამინისტროს უწყებათაშორისი მემორანდუმით ნაკისრი აქვს ვალდებულება, რომ ყოველთვიურად გამოაქვეყნოს სტატისტიკა და მიაწოდოს ეს ოფიციალური მონაცემები სტატისტიკის ეროვნულ სამსახურს. ამ ვალდებულებას მაგალითად პროკურატურა პირნათლად ასრულებს დღემდე. რატომღაც შინაგან საქმეთა სამინისტრომ გადაწყვიტა, რომ ეს არ გააკეთოს. ამავე დროს საქართველოს აქვს ნაკისრი საერთაშირისო ვალდებულება ღია მმართველობის პარტნიორობის ფარგლებში, ეს ვალდებულება არის დაფიქსირებული და ესეც უნდა იცოდეს შს მინისტრმა’’, - განუცხადა ჟურნალისტებს ოთარ კახიძემ.

შეგახსენებთ, რომ შს მინისტრის, გიორგი მღებრიშვილის გადაწყვეტილებით, ძალოვანი უწყება დანაშაულის სტატისტიკას აღარ აქვეყნებს.

როგორც მღებრიშვილი აცხადებს, სტატისტიკის გამოქვეყნებას სამინისტროს კანონი არ ავალდებულებს.

ნინო ექვთიმიშვილი