უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
შვილმკვდარი მამები აღმაშენებლის გამზირზე ,,ევროპულ საქართველოს’’ აქციის საწინააღმდეგო აქციას ჩაატარებენ
შვილმკვდარი მამები ,,ევროპული საქართველოს’’ ორგანიზებით 23 ივლისს აღმაშენებლის გამზირზე დაგეგმილ აქციის კონტრაქციას ჩაატარებენ.
როგორც დღევანდელ პრესკონფერენციაზე ,,ქართველთა მარშის’’ წევრმა სანდრო ბრეგაძემ აღნიშნა, ,,ქართველთა მარში’’ არ არის აღნიშნული აქციის ორგანიზატორი, თუმცა უერთდება შვილმკვდარი მამების აქციას.
მისივე თქმით, კონტრაქციის ორგანიზატორები შეეცდებიან, საშულებას არ მისცემენ ,,ევროპულ საქართველოს’’ ჩაატაროს აქცია სახელწოდებით ,,არა ფაშიზმს.’’
თავის მხრივ, კონტრაქციის ერთ-ერთმა ორგანიზატორმა, მოკლული ბუტა რობაქიძის მამამ, სოსო რობაქიძემ განაცხადა, რომ გიგა ბოკერიას, როგორც ,,ნაციონალური მოძრაობის’’ მთავარ იდეოლოგს და მის გუნდს არ აქვთ მორალური უფლება იმისა, რომ ვინმეს ,,ფაშისტები’’ ეძახონ.
,,23 ივლისს აპირებენ აქციის ჩატარებას გიგა ბოკერია და მისი პარტია ,,ევროპული საქართველო’’ , რომლებიც ჩემთვის ნაციონალები არიან და სახელის გადარქმევას, არავითარი მნიშვნელობა არ აქვს. მით უმეტეს, რომ ბოკერია მისი მთავარი იდეოლოგი იყო. მე ასეთი წინადადება წამოვაყენე, რომ ნაციონალური მოძრაობა არ უნდა არსებობდეს.
მთელი ჩემი ცხოვრება 13 წლის მანძილზე მე ამ პარტიას და მის ლიდერებს ვებრძვი. ეს არიან ჯალათები, რომლებსაც 125 ბიჭი ჰყავთ ქუჩაში დახვრეტილი, გაუპატიურებული ციხეებში. ამ ხალხს იმის უფლება არ აქვს, რომ დღეს გამოვიდეს და ვიღაცებს ,,ფაშისტები’’ ეძახონ თვითონ ფაშისტებმა. ამიტომ, მე პირადად და ის შვილმკვდარი ხალხი, რომელთაც იომეს 13 წლის განმავლობაში , პოლიტპატიმრები, ყველანი ვიდგებით იქ და იქნება ეს მშვიდობიანი აქცია. ღმერთმა დაიფაროს, თუ რამე მოხდა ისეთი, გიგა ბოკერიამ უნდა აიღოს ეს თავისთავზე’’, - განაცხადა სოსო რობაქიძემ.
ცნობისათვის, ,,ევროპული საქართველოს’’ მიერ ორგანიზებული მსვლელობა "არა რუსულ ფაშიზმს" 23 ივლისს 20:00 საათზე, აღმაშენებლის გამზირზე გაიმართება. მსვლელობა მას შემდეგ დაიგეგმა, რაც ,,ქართველთა მარშმა’’ ამავე ტერიტრიაზე აქცია გამართა.
„ამ აქციის მთელი არსი არის არა იმ პატარა მარგინალურ ჯგუფთან ჯიბრი, არამედ ჩვენება ყველასთვის, რომ საქართველო არ არის სიძულვილის და ძალადობის ქვეყანა. ჩვენება ხელისუფლებისთვის, რომ მის მიერ მართული ეს ჯგუფები, გუშინ ბესელიამ პატრიოტი უწოდა კორკოტაშვილს, რომელიც დღეს სისხლის სამართლის გამოძიების ქვეშ უნდა იყოს, რომ ჩვენ არ დავუშვებთ ქვეყანაში ასეთი ძალადობრივი გზით ადამიანების ურთიერთობას,“ - აცხადებს ელენე ხოშტარია.