საზოგადოება
„სიჩუმის რეზოლუცია - აფხაზეთი“ - ორელიენ ვილეტის ფოტოგამოფენა საქართველოს ეროვნული მუზეუმში გაიმართება
27 სექტემბრიდან 7 ოქტომბრის ჩათვლით, ფონდი ევროარტი (საქართველო) და ფონდი არტექო (ნიდერლანდების სამეფო) ქართველ და უცხოელ პარტნიორებთან ერთად, საქართველოს ეროვნული მუზეუმის ს. ჯანაშიას საქართველოს მუზეუმში მართავენ ფრანგი ფოტოხელოვანის, ორელიენ ვილეტის ფოტოგამოფენას: „სიჩუმის რეზოლუცია-აფხაზეთი“.
გამოფენის გახსნის დღეს, 25 წლის წინ, დაახლოებით 250 ათასმა ადამიანმა იძულებით დატოვა აფხაზეთი. ქართველ პუბლიკას აფხაზეთი ახსოვს, როგორც ერთ-ერთი ულამაზესი კუთხე, სადაც ხალხი, ყველა სეზონზე დასასვენებლად, პოზიტიური ენერგიის მისაღებად დადიოდა. ფრანგი ფოტოხელოვანი პუბლიკას საშუალებას აძლევს, თვალი გადაავლოს მონატრებულ ადგილებს.
ორელიენ ვილეტი 2016 წელს ესტუმრა აფხაზეთს. მისი ობიექტივი, ამ შემთხვევაში, შუამავალია სიცოცხლით სავსე წარსულის მოგონებებსა და სევდიან, ჩუმ დღევანდელობას შორის, მონატრებასა და უძლურებას შორის. ამასთანავე, იგი პუბლიკას განაწყობს კიდევ ერთხელ ღრმად დაფიქრებისთვის, ერთმანეთის მიტევებისთვის, მშვიდობიანი თანაცხოვრებისთვის, მონატრებული ურთიერთობებისა და ისევ აღმშენებლობისთვის.
პროექტის მთავარი პარტნიორები არიან საფრანგეთის საელჩო საქართველოში, აფხაზეთის ა/რ მთავრობა, ქალაქ თბილისის მერია, საქართველოს ეროვნული მუზეუმი.
გამოფენის გახსნა შედგება 2018 წლის 27 სექტემბერს, 18:00. საქართველოს ეროვნული მუზეუმის ს. ჯანაშიას საქართველოს მუზეუმში, მისამართზე: თბილისი, რუსთაველის 3, მე-4 სართული.
გამოფენის გახსნას დაესწრებიან ავტორი, safrangeTis elCi saqarTveloSi b-n paskal menie და საპატიო სტუმრები სხვადასხვა ქვეყნიდან.