ეკონომიკა
სიღარიბის დონე არ მცირდება - გიორგი ქობულია
ეკონომიკისა და მდგრადი განვითარების მინისტრობის კანდიდატის, გიორგი ქობულიას თქმით, ეკონომიკური ზრდის მიუხედავად საქართველო ღარიბ ქვეყანად რჩება.
„მიუხედავად კარგი პროგრესის, საქართველო დღეს, მსოფლიო ბანკის შეფასებით, სამწუხაროდ, რჩება ღარიბ ქვეყნებს შორის. ეს აიხსნება, უპირველეს ყოვლისა, იმით, რომ მიუხედავად საკმაოდ კარგი ზრდისა, ის ეკონომიკური შემოსავალი, რომელსაც საქართველო ქმნის ერთ სულ მოსახლეზე, არის ძალიან მცირე.
ჩვენ ორჯერ და სამჯერ კი არა, ათჯერ ჩამოვუვარდებით მოწინავე ქვეყნებს. ეს არ არის საკმარისი, რომ ხალხმა კარგად იცხოვროს. სიღარიბის დონე არ მცირდება“, - განაცხადა ქობულიამ აგრარულ საკითხთა, გარემოს დაცვისა და ბუნებრივი რესურსების, დარგობრივი ეკონომიკისა და ეკონომიკური პოლიტიკის, რეგიონული პოლიტიკისა და თვითმმართველობის და საფინანსო-საბიუჯეტო კომიტეტების გაერთიანებულ სხდომაზე.