უკან
უახლესი ამბები
არქივი
რეგიონები
19 დეკემბერი, 2016 11:55
სიღნაღში კულტურის სახლი დაიწვა
სიღნაღში, სოფელ ნუკრიანში კულტურის სახლს ხანძარი გაუჩნდა.
შენობაში განთავსებულია საზოგადოებრივი ცენტრი, ასევე მუსიკალური ცენტრი და სოციალური საწარმო.
ხანძრის შედეგად განადგურებულია სოციალური საწარმოს ინვენტარი. დაზიანებულია შენობის კედლებიც.
თვითმხილველების ინფორმაციით, ცეცხლი თავდაპირველად დარბაზში გაჩნდა, რის შემდეგაც ხანძარი 400 კვადრატულ მეტრ ფართობზე გავრცელდა.
ხანძრის ჩასაქრობად კახეთის რეგიონის სახანძრო-სამაშველო სამსახურის ბრიგადები რამდენიმე საათის განმავლობაში მუშაობდნენ. ხანძრის მიზეზს გამოძიება დაადგენს.
ნინო ექვთიმიშვილი