საზოგადოება

სიმონეთის სამხედრო პოლიგონზე სამხედრო დაშავდა, მას კიდურის ამპუტაცია ჩაუტარდა

სიმონეთის სამხედრო პოლიგონზე სამხედრო მოსამსახურე 33 წლის ვალერი ჭანტურიძე დაშავდა.

ჭანტურიძეს ხელი დაუზიანდა, მოგვიანებით მას კიდურის ამპუტაცია ჩაუტარდა. სამხედრო მოსამსახურე ქუთაისში, რეგიონალურ კლინიკურ საავადმყოფოში იმყოფება.

ჭანტურიძის დედის თინათინ ჭანტურიძის თქმით, მისთვის უცნობია თუ რა მოხდა პოლიგონზე.

„აბსოლუტურად არაფერს არ გვეუბნებიან რა მოხდა ჯარში. ბავშვმა მოირა, ერთხელ ცხინვალის ომი, მეორედ წასული იყო ცხინვალის ომში, ოჯერ ერაყი მოიარა და იქიდან მშვიდობიანად დაბრუნდა . მეუბნებიან, გმირის დედა ხარო. არ მინდა მაგისთანა გმირობა, იმიტომ რომ ავღანეთში რომ ყოფილიყო, ან ცხინვალში ხმას არ ამოვიღებდი. აქ კი, უბრალო ადგილზე მიკლავდნენ შვილს და რა მოხდა ვერ გავიგე. პატარა ბავშვები ყავს, თოთო ბავშვები, იმათ გაზრდა ხომ უნდათ, როგორ გავზარდო?!“,-აღნიშნა თინათინ ჭანტურიძემ.

თავდაცვის სამინისტროში განაცხადეს, რომ მომხდარის გამოძიება სამხედრო პოლიციამ დაიწყო.

უწყების განმარტებით, „საცეცხლე მხარდაჭერის ოცეულის სამხედრო მოსამსახურე სამიზნე სროლებს ახორციელებდა, უეცარი გასროლის შედეგად კი, დაუზიანდა მარცხენა ხელის მტევანი და ამპუტაცუია დასჭირდა“.

გამოძიება სისხლის სამართლის კოდექსის 124 მუხლით მიმდინარეობს, რაც ჯანმრთელობის გაუფრთხილებლობით დაზიანებას გულისხმობს.

მონიკა დავლიანიძე