უახლესი ამბები
არქივი
კომენტარი
სინოდს ურჩევნია დეკანოზს მოუსმინონ ვიდრე რაღაც-რაღაცეებზე იმსჯელონ - თორნიკე მამალაძე
ე.წ. ციანიდის საქმეზე მსჯავრდებული დეკანოზის, ოჯახის წევრები საპატრიარქოს მოუწოდებენ, გიორგი მამალაძეს დეკანოზის წოდება არ ჩამოართვან.
აღნიშნული საკითხი აქტუალური მას შემდეგ გახდა, რაც უზენაესმა სასამართლომ საქმე წარმოებაში არ მიიღო.
მსჯავრდებული დეკანოზის ძმა, თორნიკე მამალაძე უზენაესი სასამართლოს გადაწყვეტილებას უკანონოს უწოდებს.
„ეს არის პირდაპირი დავალება გარკვეული პიროვნებებისგან. მათ შორის პროკურატურისგან და საპატრიარქოს წარმომადგენლებისგან, რომ განხილვაშიც არ მიეღოთ. ეს არის სამარცხვინო ფაქტი. ამის საფუძველი არ ჰქონდა უზენაეს სასამართლოს. აუცილებლად წავალთ სტრასბურგში და აუცილებლად გავასაჩივრებთ. სინოდს ურჩევნია დეკანოზს მოუსმინონ ვიდრე რაღაც-რაღაცეებზე იმსჯელონ,“-განაცხადა დეკანოზ გიორგი მამალაძის ძმამ, თორნიკე მამალაძემ.
ნინო ექვთიმიშვილი