კომენტარი
სირია არის ერთ-ერთი ნაწილი იმ გლობალური დაპირისპირებისა, რომელიც რუსეთსა და დასავლეთ ცივილიზებულ სამყაროს შორის არსებობს - დავით რაქვიაშვილი
საქართველოს უშიშროების საბჭოს მდივნის, დავით რაქვიაშვილის განცხადებით, სირია არის ერთ-ერთი ნაწილი იმ გლობალური დაპირისპირებისა, რომელიც რუსეთსა და დასავლეთ ცივილიზებულ სამყაროს შორის არსებობს.
“უპირველეს ყოვლისა უნდა გვესმოდეს, რომ სირიაში მიმდინარე კრიზისი, ეს არის ერთ-ერთი ნაწილი, ერთ-ერთი ეპიზოდი, იმ გლობალური დაპირისპირებისა, რომელიც მიმდინარეობს რუსეთის ფედერაციის მიერ ჰიბრიდული მეთოდებით წარმოებულ ომსა და დასავლეთ ცივილიზებულ სამყაროს შორის”, – განაცხდა რაქვიაშვილმა.
მისივე ინფორმაციით, პრეზიდენტისგან მიიღო დავალება, რომ მიმდინარე პროცესებთან დაკავშირებით კონსულტაციები გამართოს.
„რა თქმა უნდა, ჩვენ ძალიან დიდი ყურადღებით ვაკვირდებით ამ პროცესებს, პრეზიდენტის მიერ დავალებული მაქვს, რომ ამ საკითხთან დაკავშირებით გავმართო კონსულტაციები და შესაბამის გადაწყვეტილებას პრეზიდენტი კონსულტაციების შედეგად მიიღებს”, – განაცხადა რაქვიაშვილმა.
შეგახსენებთ, რომ სირიაზე სარაკეტო იერიში აშშ-მა, საფრანგეთმა და ბრიტანეთმა დღეს გამთენიისას განახორციელეს.