გაეროს უშიშროების საბჭომ სირიაში სადამკვირვებლო მისიის შეწყვეტის გადაწყვეტილება მიიღო.

უცხოური მედიის ინფორმაციით, გაეროს უშიშროების საბჭოს ამჟამინდელმა ხელმძღვანელმა ჟერარ არომ ეს გადაწყვეტილება იმის გამო მიიღო, რომ მისიის გაგრძელებისთვის საჭირო პირობები არ იყო შექმნილი.

,,სადამკვირვებლო მისია დაიხურება და გაიხსნება საკოორდინაციო ბიურო დამასკოში“, _ განაცხადა ჟერარ არომ.

სადამკვირვებლო მისის მანდატი მიმდინარე კვირაში იწურება. სამხედრო დამკვირვებლები დამასკოს რამდენიმე დღეში დატოვებენ.

რა საქმიანობას განახორციელებს საკოორდინაციო ბიურო ჯერ უცნობია.