მსოფლიო

სირიული არასამთავრობო ორგანიზაციები დასავლეთს რუსეთში გასამართი ფეხბურთის მსოფლიო ჩემპიონატის ბოიკოტისკენ მოუწოდებენ

სირიული საქველმოქმედო და უფლებადამცველი ორგანიზაციები მოუწოდებენ დასავლელ ლიდერებს, კერძოდ, დიდი ბრიტანეთის, გერმანიისა და აშშ-ის ხელმძღვანელებს, გადახედონ ბოიკოტის იდეას რუსეთში გასამართი ფეხბურთის მსოფლიო ჩემპიონატის მიმართ. ამის მიზეზად ორგანიზაციები ასახელებნ მოსკოვის მხარდაჭერას ბაშარ ალ-ასადის რეჟიმისადმი.

მიმართვას, რომელიც მიძღვნილია სირიის კონფლიქტის მეშვიდე წლისთავს, 22 ორგანიზაციამ მოაწერა ხელი. მესამე სექტორის თქმით, მსგავსი ზეწოლის ქვეშ აღმოჩენილი რუსეთი აიძულებს ასადის რეჟიმს, შეაჩეროს სამხედრო კამპანია სირიაში. განსაკუთრებით ეს ეხება აღმოსავლეთ ღუტას, რათა მისი ალყა შეჩერდეს და მოხერხდეს ადგილობრივი მოსახლეობისთვის საჭმლისა და მედიკამენტების მიწოდება.

თითქმის ერთი თვის განმავლობაში ღუტას ავიაიერიშის შედეგად 1200-ზე მეტი მოქალაქე დაიღუპა, აქედან მეხუთედს ბავშვები წარმოადგენდნენ.