საზოგადოება

სიცრუეა, რომ შორენა თეთრუაშვილმა მკვლელობაში მიიღო მონაწილეობა - მამუკა არეშიძე

ექსპერტი მამუკა არეშიძე საქართველოს კათალიკოს-პატრიარქის მდივან-რეფერენტ შორენა თეთრუაშვილის შესაძლო კრიმინალურ წარსულს გამოეხმაურა.

არეშიძის თქმით, შორენა თეთრუაშვილის მკვლელობაში შესაძლო მონაწილეობა სიმართლეს არ შეესაბამება.

„შორენა თეთრუაშვილზე რაც გაჟღერდა, მოსმენილი მაქვს ეგ ისტორია. ის ბრალდება, რომ შორენა თეთრუაშვილმა მკვლელობაში მიიღო მონაწილეობა, ჩემთვის არის ტყუილი, თუმცა იქაა გარკვეული ფაქტები, რომლებიც პასუხგასაცემია“, - განაცხადა მამუკა არეშიძემ დღევანდელ პრესკონფერენციაზე.

შეგახსენებთ, რომ გუშინ ტელეკომპანია „რუსთავი 2“-თან ინტერვიუში ჭყონდიდის ეპისკოპოსმა, მეუფე პეტრე ცაავამ განაცხადა, რომ კათალიკოს-პატრიარქის მდივან-რეფერენტი შორენა თეთრუაშვილი საპატრიარქოში მუშაობის დაწყებამდე ახალგაზრდა ქალის, ნაზი ზვიადაურის მკვლელობის საქმეში ფიგურირებდა.

ანა მებურიშვილი