უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
არქივი
საზოგადოება
სკოლებში დისციპლინური გადაცდომის, აკრძალული ნივთების აღმოჩენის, ფიზიკური დაპირისპირების, კონფლიქტისა და ვანდალიზმის 96 084 შემთხვევა დაფიქსირდა
განათლებისა და მეცნიერების მინისტრის მოადგილის, ლია გიგაურის ინფორმაციით, 2017-2018 სასწავლო წელს სკოლებში დისციპლინური გადაცდომის, აკრძალური ნივთების აღმოჩენის, ფიზიკური დაპირისპირებისა და კონფლიქტის, ასევე ვანდალიზმის სულ 96 084 შემთხვევა დაფიქსირდა.
აღნიშნული მონაცემები გიგაურმა შესაბამისი საპარლამენტო კომიტეტის სხდომაზე წარადგინა. მან აღნიშნა, რომ ეს დარღვევები მანდატურის სამსახურის მიერაა იდენტიფიცირებული და მონაცემები სამინისტროს ყოველდღიურად მიეწოდება.
დარღვევებს შორის ყველაზე მეტი შემთხვევა დისციპლინურ გადაცდომას უკავშირდება. ამავე პერიოდში მოხდა სიტყვიერი და ფიზიკური შეურაცხყოფის 2 538 ფაქტი, ფსიქოლოგთან რეფერირება-ბულინგის 1081 შემთხვევა, ხოლო 297 შემთხვევაში სოციალური მომსახურების სააგენტოს ჩარევა გახდა საჭირო.
„დისციპლინურ დარღვევებში იგულისხმება ძირითადად დაგვიანება, ან გაპარვა სკოლიდან. რაც შეეხება სიტყვიერ და ფიზიკურ შეურაცხყოფას, რომელიც ცალკე კლასიფიცირდება, ამის შესახებ ყოველდღიურად ვიღებთ ინფორმაციას, ხოლო რაც შეეხება ფსიქოლოგთან რეფერირებას, ესენი არის ბულინგის შემთხვევები, რომლებსაც მართვა სჭირდება. ფსიქოლოგთან რეფერირების მაჩვენებლები 2017-2018 სასწავლო წელს ცოტა ნაკლებია, ვიდრე წინა წელს, ვინაიდან სკოლებიდან, სადაც ფსიქოლოგი დაემატა, ცენტრში რეფერირების საჭიროება აღარ გახდა საჭირო, ამიტომ ეს მონაცემი არ აღირიცხებოდა“, -აღნიშნა გიგაურმა.
მისივე ინფორმაციით, მაღალი რისკის მქონე აკრძალული ნივთების შეტანა სკოლაში დიდი რაოდენობით არ ხდება, თუმცა ამაზე გავლენას ახდენს მედიაში გავრცელებული ინფორმაცია მოსწავლეების დაჭრის შესახებ.
„როცა ფსიქოლოგებმა ჩაატარეს კვლევა, გამოიკვეთა გარკვეული შიშები, ანუ როცა ინფორმაცია ვრცელდება, რომ ვიღაცამ ვიღაცა დაჭრა, ის მოსწავლეები, ვისაც გარკვეული შიშის ფაქტორი აქვს, მეორე დღეს მიდის რაიმე ნივთით შეიარაღებული“, -თქვა გიგაურმა.