უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
არქივი
რეგიონები
სოფელ აჩხოტის მოსახლეობა მიწისქვეშა მტკნარი წყლის აუქციონზე გატანას აპროტესტებს
ყაზბეგის მუნიციპალიტეტში, სოფელ აჩხოტის მოსახლეობა აპროტესტებს გარემოს ეროვნული სააგენტოს მიერ, სოფლის მიმდებარე ტერიტორიაზე არსებული მიწისქვეშა მტკნარი წყლის ელექტრონულ აუქციონზე გატანას.
ადგილობრივები აუქციონის შეწყვეტას ითხოვენ, წინააღმდეგ შემთხვევაში კი, მასშტაბური პროტესტით იმუქრებიან.
აჩხოტელების ინფორმაციით, გარემოს ეროვნულ სააგენტოში მათ უთხრეს, რომ ყაზბეგის მუნიციპალიტეტის გამგეობიდან, 2016 წლის 23 აპრილს შესულია წერილი, რომლის თანახმადაც, თითქოსდა აჩხოტის მოსახლეობა ინფორმირებულია წყლის შესაძლო გაყიდვის თაობაზე და მათ საწინააღმდეგო არაფერი აქვთ.
როგორც ადგილობრივები ამბობენ, სინამდვილეში იმის შესახებ, რომ წყაროს წყალი რომ იყიდება, მას შემდეგ გაიგეს, რაც გარემოს ეროვნულმა სააგენტომ ელექტრონულ აუქციონზე გაიტანა.
აჩხოტელების თქმით, მიწისქვეშა მტკნარი წყალი ერთადერთი წყაროა აღნიშნულ ტერიტორიაზე და ,,ეზოებში და სახლებში კი გვაქვს წყალი, მაგრამ ზამთარში ის იყინება და საერთოდ უწყლოდ ვრჩებით’’, - აცახდებენ ადგილობრივები.
მათივე ინფორმაციით, წყაროს წყალს იყენებს სასმელად სოფელ არშის მოსახლეობაც.
სოფელ აჩხოტის მიმდებარე ტერიტორიაზე არსებული მიწისქვეშა მტკნარი წყალი გარემოს ეროვნულმა სააგენტომ აუქციონზე 2017 წლის პირველ მარტს გაიტანა (ჩამოსხმის მიზნით და სხვა სამეწარმეო დანიშნულებით, კატეგორია - P, მოსაპოვებელი წიაღისეულის მოცულობა - 1 000 მ3/წელიწადში (ჩამოსხმის მიზნით), 2 000 მ3/წელიწადში (სხვა სამეწარმეო დანიშნულებით).
აუქციონი 10 მარტს, 18:00 საათზე უნდა დასრულდეს.
საწყისი ფასი 10 ათას 65 ლარია, ბიჯის ფასი კი 1006 ლარი და 50 თეთრი.
სარგებლობის ლიცენზიის ვადა 25 წელია.
ნინო ექვთიმიშვილი