უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
სოფელ დაბას მოსახლეობა დამხარებას ითხოვს - ხანძარი საცხოვრებელ სახლებს უახლოვდება
სოფელ დაბის მაცხოვრებელთა განცხადებით, ბორჯომის ხეობაში გაჩენილი ცეცხლის ახალი კერა მათ საცხოვრებელ სახლებს უახლოვდება. დამწვარია ხეხილის ბაღები.
ადგილობრივების თქმით, ცეცხლის 100-200 მეტრითაა დაშორებული დასახლებულ პუნქტს. ისინი მოითხოვენ, რომ სახანძრო მანქანები სოფელში ჩავიდნენ.
„მესამე დღეა, ასეთ დღეში ვართ. დღეს ვერტმფრენს ერთი წვეთი წყალი არ ჩამოუსხია სოფელ დაბაში“, - ამბობს სოფლის ერთ-ერთი მკვიდრი.
შეგახსენებთ, უკვე მესამე დღეა ბორჯომის ხეობაში ხანძარია. მიუხედავად იმისა, რომ გუშინ მეხანძრეებმა ცეცხლის ლოკალიზება მოახდინეს, ქარის გამო ხანძრის კერები განახლდა. შექმნილი ვითარების გამო პრემიერ-მინისტრის გიორგი კვირიკაშვილის ბრძანებით საგანგებო შტაბი შეიქმნა.
ხანძრის ჩაქრობის სპეცოპერაცია დილიდან განახლდა. სახელმწიფო უსაფრთხოებისა და კრიზისების მართვის საბჭოს მდივნის, მინდია ჯანელიძის ინფორმაციით, ადგილზე სხვადასხვა უწყების 500-მდე წარმომადგენელი მუშაობს, მათ შორის 300 მეხანძრე-მაშველი.
საგანგებო შტაბის ინფორმაციით, ცეცხლის ჩაქრობას ძლიერი ქარი და მაღალი ტემპერატურა უშლის ხელს. გიორგი კვირიკაშვილის განცხადებით, თურქეთის ორი ვერტმფრენი უკვე საქართველოშია, ხოლო თვითმფრინავი დღის ბოლოს შეუერთდება სახანძრო-სამაშველო სპეცოპერაციას.
ცეცხლის ჩაქრობას ამ დრომდე ცდილობენ.
ანა მებურიშვილი