უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
საზოგადოება
სოფელ ზვარეში მომხდარი კონფლიქტის გაშუქება ზოგიერთი მედიის მხრიდან ქსენოფობიურ კონტექსტში მოხდა - არასამთავრობოები
არასამთავრობო ორგანიზაციების შეფასებით, ხარაგაულის მუნიციპალიტეტის სოფელ ზვარეში ჩინეთისა და საქართველოს მოქალაქეებს შორის მომხდარი დაპირისპირების გაშუქებისას ზოგიერთმა მედიამ კონფლიქტი ქსენოფობიურ კონტექსტში გააშუქა, რითაც აქცენტი გაკეთდა ინციდენტში მონაწილე პირთა და დაზარალებულთა ეთნიკურ წარმომავლობაზე, მომხდარი წარმოჩინდა, როგორც ჩინელების მხრიდან ქართველებზე ფიზიკური ანგარიშსწორება და მეორეხარისხოვანი გახდა ამ ინციდენტის რეალურ მიზეზების და მის მოსალოდნელი შედეგების შესახებ ცნობები.
საქართველოს დემოკრატიული ინიციატივის, ტოლერანტობისა და მრავალფეროვნების ინსტიტუტისა და მედიის განვითარების ფონდის განცხადებით, „მაუწყებლობის შესახებ“ საქართველოს კანონის 56-ე მუხლის მე-2 პუნქტის თანახმად, ,,იკრძალება ისეთი პროგრამების გადაცემა, რომლებიც რაიმე ფორმით რასობრივი, ეთნიკური, რელიგიური ან სხვაგვარი შუღლის გაღვივების, რომელიმე ჯგუფის დისკრიმინაციის ან ძალადობისკენ წაქეზების აშკარა და პირდაპირ საფრთხეს ქმნის.“
,,მედიის პროფესიული სტანდარტის მიხედვით, „ჟურნალისტი მხოლოდ იმ შემთხვევაში მიუთითებს ამა თუ იმ პირის ეთნიკურ და რასობრივ კუთვნილებას, პოლიტიკურ და რელიგიურ მრწამსს, სოციალურ მდგომარეობას, კანის ფერს თუ სექსუალურ ორიენტაციას, თუ ეს ინფორმაცია პირდაპირ კავშირშია საქმის არსთან.
ამგვარად, როგორც კანონმდებლობა, ისე პროფესიული ეთიკის სტანდარტები მოითხოვს, რომ ჟურნალისტის და ზოგადად, მედიასაშუალებების ძალისხმევა მოვლენების სწორი და ობიექტური ანალიზისკენ, ასევე, დისკრიმინაციასთან ბრძოლისა და უთანასწორობის აღმოფხვრისკენ უნდა იყოს მიმართული და არა პირიქით, ახალისებდეს და კვებავდეს საზოგადოებაში არსებულ ქსენოფობიურ განწყობებს და სტერეოტიპებს. ჟურნალისტების მიერ საკითხის ქსენოფობიურ ჭრილში გაშუქებამ, სამწუხაროდ, უკვე გამოიწვია დისკრიმინაციული განწყობების გაღვივება მოსახლეობაში.
მაგალითად, სოციალურ ქსელ ფეისბუკში დაიწყო კამპანია სახელწოდებით „არა ჩინურ ნაწარმს“, - აცხადებენ ორგანიზაციები და მაუწყებლებსა და სხვა მედიასაშუალებებს მოუწოდებენ, თავი შეიკავონ ფაქტების იმგვარი გადმოცემისა და ინტერპრეტაციისგან, რომლებიც იწვევს ან ახალისებს საზოგადოების დისკრიმინაციულ და ქსენოფობიურ განწყობებს, ხოლო სამართალდამცავმა ორგანოებმა ზემოაღნიშნულ ინციდენტთან დაკავშირებით უზრუნველყონ დროული, ობიექტური და ეფექტური გამოძიების ჩატარება.
მარი ნამგალაძე