25.04.2024 12:59
საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
25.04.2024 11:11
ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
25.04.2024 10:43
ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს

რეგიონები

სოფელ ზვარეში რკინიგზის ლიანდაგის მშენებლობაზე დასაქმებული მუშების პროტესტი გრძელდება

მესამე დღეა, ხარაგაულის მუნიციპალიტეტის სოფელ ზვარეში, რკინიგზის მშენებლობაზე დასაქმებული მუშები და ადგილობრივები აქციებს მართავენ. პროტესტის შედეგად, ჩინური კომპანიის საწარმო პარალიზებულია.

დასაქმებულები ზვარეში მომხდარი შემთხვევის დროულ გამოძიებას, ,,23-ე ბრიგადის“ მენეჯმენტის შეცვლას და ყველა იმ ადამიანის პასუხისგებაში მიცემას მოითხოვენ, რომლებმაც ქართველ მუშებს ფიზიკური დაზიანებები მიაყენეს. რკინიგზის ლიანდაგის მშენებლობაზე დასაქმებულების კიდევ ერთი მოთხოვნა, პროტესტის პერიოდში გაცდენილი დღეების ანაზღაურებაა. მუშები პროტესტის გაგრძელებას მათი მოთხოვნების დაკმაყოფილებამდე აპირებენ.

რამდენიმე დღის წინ, სოფელ ზვარეში ჩინელებსა და ქართველ მუშებს შორის მომხდარი დაპირისპირების შედეგად 10-მდე მუშა დაშავდა. შინაგან საქმეთა სამინისტრომ ფაქტზე ჩინეთის სამი მოქალაქე დააკავა.

ისინი სისხლის სამართლის კოდექსის 118-ე მუხლით დააკავეს, რაც ჯანმრთელობის განზრახ ნაკლებად მძიმე დაზიანებას გულისხმობს.

მარი ნამგალაძე