პოლიტიკა

ამ კანონის მიღება ნიშნავს, რომ სტატუსი არ იქნება წლის ბოლოს, რაც ნიშნავს, რომ კიდევ უფრო დიდხანს დავრჩებით წუმპეში - ზურაბ ჯაფარიძე

ძალიან ცხადია, ამ კანონთან მიმართებაში გასაგებად გვეუბნებიან დასავლეთიდან, რომ ჩვენთან თუ მოდიხარ, ეს კანონი არ უნდა მიიღო, თუ მიიღებთ ამ კანონს, ჩვენთან ვეღარ წამოხვალთ, ამას გეუბნება ევროკავშირი, ნატო, ამას გეუბნებიან ამერიკელები, ყველა, -აცხადებს "გირჩი მეტი თავისუფლების" ლიდერი ზურაბ ჯაფარიძე.

„რა ახსნა სჭირდება, მარტივი გასაგებია, ან უჯერებ ნედ პრაისს და ევროკავშირს, სადაც გვინდა რომ წავიდეთ, ან უჯერებ ირაკლი კობახიძეს, როცა ბოდავს რაღაცებს. აღარ არსებობს მე მგონი კითხვის ნიშნები. ამ კანონის მიღება ნიშნავს, რომ სტატუსი არ იქნება წლის ბოლოს, რაც ნიშნავს, რომ კიდევ უფრო დიდხანს დავრჩებით წუმპეში. გრძელვადიანად ნიშნავს, რომ ქვეყანაში აღარ იარსებებს დამოუკიდებელი მედია, არასამთავრობო ორგანიზაციები, გაქრება, ვიქნებით რუსეთი და ბელარუსი," - ამბობს "გირჩი მეტი თავისუფლების" ლიდერი, ზურაბ ჯაფარიძე.

შეგახსენებთ, რომ პარლამენტის იურიდიულ საკითხთა კომიტეტის სხდომაზე “უცხოური გავლენის გამჭვირვალობის შესახებ“ კანონის პროექტის და ასევე, “უცხოელი აგენტების რეგისტრაციის შესახებ“ კანონპროექტის პირველი მოსმენით განხილვა ხმაურის ფონზე მიმდინარეობს. კომიტეტის სხდომის პარალელურად აქცია იმართება საკანონმდებლო ორგანოსთან.