დღის კალენდარი

დღის კალენდარი - 1 ნოემბერი

წლის 306-ე დღე‚ ახალ წლამდე დარჩა 60 დღე.

საეკლესიო კალენდარი

წინასწარმეტყველისა იოელისა (800 წ. ქრისტეს შობამდე); მოწამისა ნიკოლოზ დვალისა (1314); მოწამისა უარისა და მისთანა შვიდთა ქრისტიანთა მოძღვართა (დაახლ.307); ნეტარისა კლეოპატრასი (327) და ძისა მისისა იოანესი (320); მღვდელმოწამისა სადუკისა, სპარსელი ეპისკოპოსისა, და მისთანა 128-თა მოწამეთა (342).

წინასწარმეტყველი იოელი 800 წლით ადრე ცხოვრობდა ქრისტეს შობამდე. მან იწინასწარმეტყველა იერუსალიმის აოხრება და გაუდაბურება.

მოწამე უვარო და შვიდი ქრისტიანი მოძღვარი ქრისტიანთა განსაკუთრებული დევნის დროს ცხოვრობდნენ ეგვიპტეში. მხედართმთავარი უვარო ქრისტეს ფარული აღმსარებელი იყო. იგი მრავალ დევნულს უწევდა დახმარებას. ის 307 წელს აწამეს.

ნეტარი კლეოპატრა თაბორის მთის მახლობლად მდებარე სოფლიდან იყო წარმოშობით, იგი უვაროს თანამედროვე იყო, რომლის დასჯის მერე კლეოპატრამ წმიდანის სხეული სამშობლოში წაასვენა.

მღვდელმოწამე სადუკი სპარსეთის ერთ-ერთ ოლქში იყო ეპისკოპოსად. როცა სპარსთა მეფემ ეპორმა შეიტყო, რომ სადუკი ქრისტეს რწმენას ქადაგებდა, ბრძანა, შეეპყროთ ისიც და მასთან ერთად 128 მორწმუნე ქრისტიანი. რამდენიმე თვის განმავლობაში ცდილობდნენ მაზდეანები ჭეშმარიტი რწმენისაგან ცეცხლთაყვანისმცემლობისკენ მოექციათ წმიდანები, მაგრამ ამაოდ. ბოლოს ისინი სიკვდილით დასაჯეს.

დაიბადნენ:

1636 – ნიკოლა ბუალო, ფრანგი პოეტი და ლიტერატურის თეორეტიკოსი, გარდაიცვალა 1711 წელს.

1757 – ანტონიო კანოვა, იტალიელი მოქანდაკე, გარდაიცვალა 1822 წელს.

1871 – სტივენ კრეინი, ამერიკელი მწერალი, გარდაიცვალა 1900 წელს.

1887 – ლოურენს სტივენ ლოური, ინგლისელი მხატვარი, გარდაიცვალა 1986 წელს.

1893 – პავლე ინგოროყვა, ლიტერატურათმცოდნე, ისტორიკოსი, მწერალი, გარდაიცვალა 1983 წელს.

გარდაიცვალნენ:

1903 – თეოდორ მონსენი, გერმანელი ისტორიკოსი, ნობელის პრემიის ლაურეატი, დაიბადა 1817 წელს.

1894 – ალექსანდრ III, რუსეთის იმპერატორი, დაიბადა 1845 წელს.

1975 – პიერ პაოლო პაზოლინი, იტალიელი მწერალი, სცენარისტი, დაიბადა 1922 წელს.

მოვლენები:

1512 წელი _ მიქელანჯელომ დაასრულა სიქსტის მადონა.