უკან

უახლესი ამბები

დღის კალენდარი

ანონსები

არქივი

პოლიტიკა

17 მაისი, 2018 10:55
font-size

სოფო ჯაფარიძე ადამიანის უფლებათა დაცვის საკითხებში ევროკავშირის სპეციალურ წარმომადგენელს შეხვდა

პრემიერ-მინისტრის თანაშემწე ადამიანის უფლებათა და გენდერული თანასწორობის საკითხებში, სოფო ჯაფარიძე, ადამიანის უფლებათა დაცვის საკითხებში ევროკავშირის სპეციალურ წარმომადგენელს სტავროს ლამბრინიდის შეხვდა.

სოფო ჯაფარიძემ ისაუბრა სახელმწიფოს პოლიტიკაზე გენდერული თანასწორობის უზრუნველყოფის, ქალთა მიმართ და ოჯახში ძალადობის წინააღმდეგ ბრძოლის მიმართულებით. საუბარი შეეხო, როგორ ე.წ. სტამბოლის კონვენციის რატიფიცირების შედეგად განხორციელებულ საკანონმდებლო ცვლილებებს, ისე პოლიტიკის განმსაზღვრელ დოკუმენტებს თემატური სამოქმედო გეგმების სახით და ხელისუფლების სხვადასხვა შტოში მოქმედ ინსტიტუციურ მექანიზმებს, რომლებიც ემსახურებიან გენდერული თანასწორობის უზრუნველყოფის მიზნით კოორდინირებული და თანმიმდევრული პოლიტიკის განხორციელებას. აღნიშნული მიმართულებით, საუბარი ასევე შეეხო სხვადასხვა სერვისებს, რომელიც მიეწოდებათ ქალთა მიმართ ძალადობისა და ოჯახში ძალადობის მსხვერპლებს და ცნობიერების ამაღლებაზე ორიენტირებულ კამპანიებს.

სოფო ჯაფარიძემ სტავროს ლამბრინიდის გააცნო 2017 წლის ანგარიშის შედეგები, რომლებიც ეხებოდა ადრეულ/ბავშვობის ასაკში ქორწინებასა და ქალთა სასქესო ორგანოების დასახიჩრების პრაქტიკას საქართველოში. პრემიერის თანაშემწემ აღნიშნა, რომ ანგარიშის შედეგები ასევე ეხებოდა ქალთა მიმართ ძალადობას და ევროკავშირის სპეციალურ წარმომადგენელს მიაწოდა ინფორმაცია იმ ღონისძიებების შესახებ, რომელსაც გენდერული თანასწორობის, ქალთა და ოჯახში ძალადობის წინააღმდეგ ბრძოლის საკითხებზე მომუშავე უწყებათაშორისი კომისია ახორციელებს საზიანო პრაქტიკისა თუ ქალთა და ოჯახში ძალადობის შემთხვევების პრევენციისა და მათზე ეფექტიანი რეაგირების მიზნით.

შეხვედრაზე ასევე ისაუბრეს ადამიანის უფლებათა დაცვის სამთავრობო სამოქმედო გეგმის განხორციელებაზე და გეგმით გათვალისწინებული კონკრეტული მიმართულებების მხრივ არსებულ მიღწევებსა და გამოწვევებზე. საუბარი შეეხო სასჯელაღსრულების სისტემაში განხორციელებულ რეფორმებს, ანტიდისკრიმინაციული კანონის აღსრულებას, უმცირესობების უფლებების დაცვას და შინაგან საქმეთა სამინისტროში განხორციელებულ რეფორმებს.

აღსანიშნავია, რომ საქართველო მსოფლიოს 15 ქვეყანასთან ერთად ევროკავშირის ახალ ინიციატივაში „Good Human Rights Stories” (GHRS) მოხვდა. ინიციატივის ფარგლებში შემუშავებულ სიაში შესულია ადამიანის უფლებების სფეროში სამაგალითო და წარმატებული ქვეყნები, სადაც ჩამოყალიბდა და დამკვიდრდა ადამიანის უფლებების კარგი სისტემა. საქართველო რეგიონში ერთადერთია, რომელიც აღნიშნულ სიაში მოხვდა.

ქვეყანაში დესტაბილიზაციის მოწყობის საშუალებას არავის მივცემთ - სუს-ი

20 ოქტომბერი, 2018 , 11:10

სახელმწიფო უსაფრთხოების სამსახურის საზოგადოებასთან ურთიერთობის სამსახურის უფროსის, ნინო გიორგობიანის განცხადებით, სუს-ის პრიორიტეტია, იმგვარად იყოს უზრუნველყოფილი მოქალაქეების უსაფრთხოება, რომ არ დაზიანდეს დემოკრატიული ს

აფრთხობენ ამომრჩეველს, უნერგავენ აზრს, რომ ჩვენ დესტაბილიზაციას ვგეგმავთ - რომან გოცირიძე

19 ოქტომბერი, 2018 , 17:40

„ნაციონალური მოძრაობის“ ერთ-ერთი ლიდერის, რომან გოცირიძის განცხადებით, ხელისუფლება ამომრჩეველს აფრთხობს და უნერგავს აზრს, რომ „ნაციონალური მოძრაობა“ დესტაბილიზაციას გეგმავს. მისი თქმით, პარტია როც

საქართველო არ არის ბიზნეს კორპორაცია, საქართველო არ არის ბიზნეს ობშორა - შალვა ნათელაშვილი

19 ოქტომბერი, 2018 , 17:10

"ლეიბორისტული" პარტიის ლიდერი და პრეზიდენტობის კანდიდატი შალვა ნათელაშვილი დიპლომატიური კორპუსის წარმომადგენლებს შეხვდა. ნათელაშვილმა დიპლომატებს არსებული საარჩევნო გარემო გააცნო. პრეზიდენტობის კანდიდატმა შეხვედრაზე არჩე

ნუ გვაბოლებთ - შვილმოკლული მამების აქცია პროკურატურასთან

19 ოქტომბერი, 2018 , 17:10

„ნუ გვაბოლებთ“, - ამ შინაარსის აქცია-პერფორმანსს შვილმოკლული მამები მთავარ პროკურატურასთან მართავენ. მათი თქმით, ხელისუფლება ხორავას ქუჩაზე მომხდარი მკვლელობისა და პანკისში ჩატარებული სპეცოპერაციის შედეგად მო

მარჯანიშვილზე, ქუჩაში ვნახე, რომ ბევრი კარავია გაშლილი, უცხოელებს თუ აქვთ კარვის გაშლის უფლება, ჩვენ არ გვაქვს?! - ზაზა სარალიძე

19 ოქტომბერი, 2018 , 16:30

თბილისში, ხორავას ქუჩაზე მოკლული დავით სარალიძის მამა, ზაზა სარალიძე დღეს საღამოს პარლამენტის შენობის წინ კარვის გაშლას აპირებს. ამის შესახებ სარალიძემ ჟურნალისტებს მთავარ პროკურატურასთან განუცხადა, სადაც აქცია-პერფომანს

არცერთი ის წევრი, რომელიც აქამდე გვერდით დაუყენებია უგულავას, „ქართული ოცნების“ მოქმედი წევრი არაა - მამუკა მდინარაძე

19 ოქტომბერი, 2018 , 16:30

საპარლამენტო ფრაქცია „ქართული ოცნების“ თავმჯდომარემ, მამუკა მდინარაძემ უარყო „ევროპული საქართველოს“ ერთ-ერთი ლიდერის, გიგი უგულავას განცხადება, რომ „ქართული ოცნებიდან“ „ევროპულ ს

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`