მსოფლიო

სომხეთის პარლამენტის ოპოზიციურმა ფრაქციამ „ელქმა“ შესაძლოა ნიკოლ პაშინიანი წარადგინოს პრემიერობის კანდიდატად

სომხეთის პარლამენტის ოპოზიციური ფრაქცია „ელქის“ წარმომადგენლის, ედმონ მარუკიანის განცხადებით, მათ შეიძლება დაასახელონ ქვეყანაში მიმდინარე „სამოქალაქო დაუმორჩილებლობის“ აქციების ორგანიზატორი ნიკოლ პაშინიანი სომხეთის პრემიერობის კანდიდატად.

„შეიქმნა სიტუაცია, რომელშიც, თუკი რესპუბლიკური პარტია უარს არ იტყვის ხელისუფლებაზე, ადგილიდან არ დაიძვრება არაფერი“, -თქვა მარუკიანმა.,

სომხეთის პარლამენტში ფრაქცია „ელქს“ 9 მანდატი აქვს, ხოლო გაგიკ ცარუკიანის პარტია „აყვავებულ სომხეთს“, რომლის წევრია მარუკიანი, აქვს 31 მანდატი.

მარუკიანის თქმით, პაშინიანის პრემიერად დასამტკიცებლად საჭიროა კიდევ 13 ხმა. მისი ვარაუდით, შესაძლებელია ამ ხმების მოგროვება მმართველი რესპუბლიკური პარტიისგან (58 მანდატითაა წარმოდგენილი) და მისი კოალიციური პარტნიორისგან „დაშნაკტუცუნი“ (7 მანდატი).

დღეს სომხეთში აქციები განახლდა. ამჯერად დემონსტრანტები ნიკოლ პაშინიანის ხელმძღვანელობით გამოდიან მმართველი პარტიის წინააღმდეგ.

უშუალოდ პარტია „აყვავებული სომხეთი“ მხოლოდ დღეს შეუერთდა საპროტესტო მოძრაობას.

აქციები ქვეყანაში 13 აპრილს დაიწყო, რასაც მოჰყვა ორშაბათს სერჟ სარგსიანის გადადგომა პრემიერის თანამდებობიდან.