საზოგადოება
სოციალურ ქსელში სავარაუდოდ, ლაშა თორდიას მონაწილეობით თბილისის ერთ-ერთ ბარში გადაღებული ვიდეო გავრცელდა
სოციალურ ქსელში ერთ-ერთმა მომხმარებელმა თბილისის ერთ-ერთ ბარში სამეთვალყურეო კამერებით გადაღებული ვიდეო გაავრცელა.
სოციალური ქსელის მომხმარებელი ირწმუნება, რომ მასზე ასახულ კადრებში გენერალური აუდიტორი, ლაშა თორდია ბარის თანამშრომელს იარაღით ემუქრება.
ვიდეოს გამავრცელებელი პირი წერს, დაპირისპირების მიზეზი მუსიკის ხმა გახდა. ის აღნიშნავს, რომ ლაშა თორდიას გაღიზიანება მუსიკის ხმის აწევის შესახებ მისივე თხოვნამ გამოიწვია, რომელზეც სავარაუდოდ ბარის თანამშრომლებმა უარით უპასუხეს.
ვიდეომასალა რამდენიმე საათის წინ გავრცელდა და როგორც კადრებში ჩანს, სავარაუდოდ, ის 2016 წლის 24 დეკემბერსაა გადაღებული.
გენერალური აუდიტორი საკითხთან დაკავშირებით ჯერჯერობით ოფიციალურ კომენტარს არ აკეთებს.
„არ მინახავს ვიდეო. ის კეთდება, რასაც მოველოდი. არ მინახავს, ვნახავ და მერე გავაკეთებ კომენტარს,“- განაცხადა ლაშა თორდიამ ტელეკომპანია ,,იმედთან’’ საუბარში.