უკან
სამართალი
26 მაისი, 2016 16:29
სპორტსმენების დაკავების საფუძველი მე და გამოძიებას აღარ გვქონდა - გიორგი მღებრიშვილი
შს მინისტრმა, გიორგი მღებრიშვილმა კორცხელის ინციდენტის გამოძიების მიმდინარეობასთან დაკავშირებით კომენტარი გააკეთა.
მისი ინფორმაციით, ინციდენტთან დაკავშირებით ამ დრომდე არავინ დაუკავებიათ.
ამასთან, როგორც ძალოვანი უწყების ხელმძღვანელი ამბობს, სპორტსმენების დაკავების საფუძველი გამოძიებას არ ჰქონია.
,,ჩემი განცხადების შემდგომ სპორტსმენები თვითონ გამოცხადდნენ შინაგან საქმეთა სამინისტროში, ითანამშრომლეს გამოძიებასთან, აქედან გამომდინარე, მათი დაკავების საფუძველი მე და გამოძიებას აღარ გვქონდა. მიუხედავად ამისა, მათი სისხლის სამართლებრივი პასუხისმგებლობის საკითხი დღის წესრიგიდან არ მოხსნილა. დაველოდოთ გამოძიებას და კიდევ ერთხელ ვიმეორებ, ნუ შევქმნით აჟიოტაჟს არაფრის გამო ", - განაცხადა გიორგი მღებრიშვილმა.
ნინო ექვთიმიშვილი