კომენტარი

სრულიად საქართველოს ვულოცავ სამართლიანი არჩევნების ჩატარებას - ზაზა ხუციშვილი

„ქართული ოცნების" მაჟორიტარი დეპუტატობის კანდიდატის ზაზა ხუციშვილის განცხადებით, ჩატარებული არჩევნები იყო დემოკრატიულად ჩატარებული არჩევნები.

როგორც ხუციშვილმა პრესკონფერენციაზე აღნიშნა, იგი სრულიად საქართველოს სამართლიანად ჩატარებულ არჩევნებს ულოცავს.

მისი თქმით, დასავლეთმა 2016 წლის არჩევნები ძალიან მაღალი შეფასება მისცა.

„მინდა, სრულიად საქართველოს მივულოცო სამართლიანი არჩევნების ჩატარება. არჩევნები ითვლება დემოკრატიულად და სამართლიანად. ძალიან ბევრ პოლიტიკურ პარტიას ჰქონდა შესაძლებლობა, როგორც მედიის, ისე შეხვედრების საშუალებით თავისი პროგრამა მიეტანა ამომრჩევლამდე. იყო რამდენიმე მცირე შემთხვევა, რომელმაც მთლიანობაში, საბოლოო შედეგებზე სერიოზული გავლენა ნამდვილად ვერ იქონია. მინდა, უღრმესი მადლობა გადავუხადო იმ ადამიანებს, ვინც თავისი მოვალეობა შეასრულა და არჩევნებზე მოვიდა. მიუხედავად იმისა, თუ ვის მისცა ხმა. ეს არის ძალიან სწორი პოზიცია და მომავალში ვისურვებდით, რომ არჩევნებზე უფრო მეტი აქტიურობა იყოს. აქვე, მინდა, ყველა გამარჯვებულ კანდიდატს მივულოცო გამარჯვება და ვიმედოვნებ, რომ ერთად ძალიან პროდუქტიული მუშაობა გვექნება მომდევნო ოთხი წლის განმავლობაში", - განაცხადა ხუციშვილმა.

მონიკა დავლიანიძე