სამართალი

სრული მზაობა აქვთ ძალოვან სტრუქტურებს, რომ სადაც საჭიროა, დაიწყოს გამოძიება - თეა წულუკიანი

საქართველოს იუსტიციის მინისტრი თეა წულუკიანი პრეზიდენტ გიორგი მარგველაშვილის იმ განცხადებას გამოეხმაურა, რომლის თანახმადაც, მისი ოჯახის წევრზე ზეწოლის მცდელობას ჰქონდა ადგილი.

როგორც თეა წულუკიანმა ჟურნალისტებს განუცხადა, პრეზიდენტს შეუძლია, მიმართოს ძალოვან სტრუქტურებს.
,,როდესაც ადამიანი ამბობს, რომ მის ოჯახის წევრს ან მისი სამსახურის თანამშრომელს, თუ მისი ინსტიტუტის წარმომადგენელს ემუქრებიან, სრული მზაობა აქვთ ძალოვან სტრუქტურებს, რომ ეს ინფორმაციები მოისმინონ, მიიღონ, დააოქმონ და იქ სადაც საჭიროა, დაიწყოს გამოძიება’’, - აღმიშნა თეა წულუკიანმა.

პრეზიდენტმა გიორგი მარგველაშვილმა დღევანდელ პრესკონფერენციაზე განაცხადა, რომ საკონსტიტუციო სასამართლოს მოსამართლეებზე ზეწოლის ფაქტებთან დაკავშირებით გიორგი პაპუაშვილის მიერ მიწოდებულმა ინფორმაციამ ის არ გააოცა, რადგან ზეწოლის მცდელობა მისი ოჯახის წვერთან მიმართებაშიც განხორციელდა.

,,სამწუხაროდ, მინდა მოგახსენოთ, რომ ამ ფაქტება მე არ გამაოცა. საზოგადოებას მინდა ვუთხრა, რომ ეს ტენდენცია სამწუხაროდ ახალი არ არის. დაახლოებით ერთი თვის წინ ჩემი ოჯახის წევრზეც იყო სამართალდამცავების ჩართვით გარკვეული ზეწოლის მცდელობა, ეს იყო იმიტაცია რეალურად. აქედან გამომდინარე, რაც მე მითხრა ბატონმა პაპუაშვილმა ჩემთვის გასაოცარი არ არის’’, - განაცხადა მარგველაშვილმა.