საზოგადოება

სტრასბურგის მოსამართლეთა კანდიდატების შესარჩევ სხდომას დავესწრები - სახალხო დამცველი

სახალხო დამცველის, უჩა ნანუაშვილის განცხადებით, ის მიიღებს მონაწილეობას სტრასბურგის მოსამართლეთა კანდიდატების შესარჩევ ხვალინდელ სხდომაზე. ომბუდსმენის განმარტებით, ის გამოიყენებს თავის მანდატს შესაძლო ხარვეზების გამოსავლენად.

„მე მივიღებ მონაწილეობას და დავაკვირდები პროცესს სახალხო დამცველის მანდატიდან გამომდინარე. ჩემთვის მნიშვნელოვანია, უშუალოდ მივიღო მონაწილეობა პროცესში და თუკი რაიმე ხარვეზი იქნება, ამ ხარვეზებზე საჯაროდ ვისაუბროთ ისევე, როგორც წინა კონკურსების დროს ჩვენ ვსაუბრობდით გარკვეულ ხარვეზებზე. პროცედურულ ხარვეზებზეა საუბარი, რომლებიც არსებობდა და არსებობს. წინა ორი კომისიის დროსაც იყო პრობლემები, თუმცა ჩვენ ყველამ მასსი მონაწილეობა მივიღეთ “, - განაცხადა სახალხო დამცველმა.

შეგახსენებთ, სხდომას ბოიკოტი გამოუცხადა ადვოკატთა ასოციაციის თავმჯდომარემ ზაზა ხატიაშვილმა, რომელმაც მოუწოდა სახალხო დამცველს, უარი ეთქვა მონაწილეობაზე. ხატიაშვილის ინფრომაციით, სხდომას არ დაესწრება ახალგაზრდა იურისტთა ასოციაციის თავმდჯომარე ანა ნაცვლიშვილი. გარდა ამისა „კოალიცია დამოუკიდებლი და გამჭვირვალე მართლმსაჯულებისთვის“ შემავალი არასამთავრობო ორგანიზაციებიც გაემიჯნენ ხვალინდელ სხდომას.

ანა მებურიშვილი