კომენტარი

სტრასბურგში არ შემინიშნია განსაკუთრებული ჰაერი, რომლის ჩასუნთქვისას ადამიანები იცვლებიან- დავით უსუფაშვილი

პარლამენტის ყოფილი თავმჯდომარე, „შენების მოძრაობის“ ლიდერი დავით უსუფაშვილით მიიჩნევს, ხელისუფლებას საკონსტიტუციო რეფორმასთან დაკავშირებით დიალოგის გამართვა რომ ნდომოდა, ის კონსტიტუციის ახალ პროექტს ორი მოსმენით არ მიიღებდა.

„ხელისუფლებას თუ მართლა დიალოგი სურდა ამ თემაზე, სამი დღის განმავლობაში ორი მოსმენით არ უნდა მიეღო ახალი კონსტიტუცია. 2004 წლის თებერვაში ამითი დაიწყო სააკაშვილმა ქვეყნის ნგრევა, როდესაც კონსტიტუციას ისე მოეპყრო, როგორც მოეპყრო.

სტრასბურგში ბევრჯერ ვარ ნამყოფი და მინდა გითხრათ, რომ იქ არ შემინიშნია განსაკუთრებული ჰაერი, რომლის ჩასუნთქვის შემდეგ ადამიანები იცვლებიან და იწყებენ ჭეშმარიტების ზიარებას. თბილისში, რუსთაველის და მიცკევიჩის ქუჩაზე თუ ვერ ხერხდება რამე, ვერც სტრასბურგში მოხერხდება“,-აღნიშნა უსუფაშვილმა.

მონიკა დავლიანიძე