უკან

უახლესი ამბები

დღის კალენდარი

ანონსები

არქივი

პოლიტიკა

22 თებერვალი, 2018 16:00
font-size

„სტრატეგიული პარტნიორობა“ არ ნიშნავს ჩვენი ეროვნული ინტერესების დათმობას თურქეთისთვის! - ირმა ინაშვილი

„საქართველოს პატრიოტთა ალიანსის“ წევრის, ირმა ინაშვილის განცხადებით, ქართულმა მხარემ თურქეთთან ურთიერთობისას უნდა გაითვალისწინოს როგორც ისტორიული წარსული, ასევე დასავლელი პარტნიორების შეფასება თურქეთში მიმდინარე მოვლენებთან დაკავშირებით. ამის შესახებ დეპუტატმა ფეისბუკის საკუთარ გვერდზე დაწერა.

„მრჩება შთაბეჭდილება, რომ ქართველი ტელეწამყვანების ნაწილი (კი, ბატონო, ერთეულებზე ვსაუბრობ) საერთოდ არ ეცნობა საერთაშორისო მედიასა და ჩვენი ქვეყნის გარეთ თუ ირგვლივ მიმდინარე პროცესებს. არ ეცნობა ევროსტრუქტურების, ევროდეპუტატების, ექსპერტების, საერთაშორისო ორგანიზაციების პოზიციებს, მოსაზრებებსა და დასკვნებს. კოლეგებო, დიდი ხანია თურქეთი არ ითვლება დემოკრატიულ სახელმწიფოდ... იმის მიუხედავად, რომ ნატოს წევრია. ადამიანის უფლებების დაცვის, მედიის უფლებების დაცვის, პოლიტიკური ოპონენტების უფლებების დაცვის კუთხით თურქეთთან ღია პრეტენზია აქვს არაერთ ევროდეპუტატსა და ევროსტრუქტურას. ეს ერთი. მეორე- ყურადღება უნდა მიგვექცია იმ შეფასებებისათვის, რაც თურქი პედაგოგის თემაზე ყველაზე გავლენიანმა ევროდეპუტატებმა გაახმოვანეს. მათ პირდაპირ უთხრეს საქართველოს ხელისუფლებას, რომ დააკვირდებიან, რამდენაც შეძლებს ჩვენი მთავრობა, გამოძვრეს თურქეთისთვის ანგარიშის გაწევის მოცემულობიდან. დავაკვირდეთ, ასევე, თურქეთ-ამერიკის ბოლოდროინდელ, პრაქტიკულად კრიზისულ ურთიერთობას. გამოვიტანოთ დასკვნები. გავთავისუფლდეთ ვიწრო აზროვნებისგან, რომ არაფრის თქმა არ შეიძლება თურქეთზე. იმის თქმაც კი, რაც ისტორიული რეალობაა, ისტორიული სიმართლეა. ვგულისხმობ ჩვენი მიწების 33%-ს, რომელიც თურქეთს აქვს მიტაცებულ-მითვისებული და რის გამოც, თურქეთი, საერთაშორისო ტერმინილოგიის თანახმად, დიახ, დიახ... ოკუპანტია. გამოვავლინოთ მეტი გაბედულება, გამოვავლინოთ ისტორიის მეტი ცოდნა, გამოვავლინოთ ჩვენი ეროვნული ინტერესებისადმი მეტი პატივისცემა, როცა თურქეთ-საქართველოს „სტრატეგიული პატრნიორობის“ თემას ვეხებით. მე გამემიჯნება თუ არა ვინმე, ეს საინტერესო არაა, სიმართლეს... ისტორიულ რეალობას ნუ გაემიჯნებით.

„სტრატეგიული პარტნიორობა“ არ ნიშნავს ჩვენი ეროვნული ინტერესების დათმობას თურქეთისთვის! ხმა ავიმაღლოთ იმაზე, რაც დღეს ხდება აჭარაში. გავიხსენოთ, როგორ იბრძოდნენ აჭარის დასაცავად ცნობილი ქართველები... იგივე მემედ აბაშიძე, რეჯებ ნიჟარაძე, ჰეიდარ აბაშიძე, ჰასან თხილაიშვილი, სხვები და სხვები. ნურც ერთ ქვეყანას ნუ დავუწვებით ჩვენი ინტერესების დათმობის ხარჯზე. ესაა ღალატი, რომელიც ძალიან ძვირად დაგვიჯდება. ქსენოფობია და ისტორიული ფაქტის მოხსენიება სრულიად განსხვავებული რამაა. ლექსიკონშიც ჩახედვა სირცხვილი კი არაა, თუ კონკრეტული ტერმინის არსი არ გესმის?! მოკლედ, გამოვავლინოთ მეტი სიყვარული და თავდადება ჩვენი ქვეყნისადმი. სულ ესაა.

რაც შეეხება აგენტომანიის თემას, ესაა სწორედ ფობია. აგენტოფობიაა, როცა იმდენად გაქვს განსხვავებული მოსაზრების, სიმართლის მოსმენის შიში, რომ მყისიერად ბოდიშს უხდი მაყურებელს (ქსენოფობიური განცხადების გამო) და მყისიერად მზად ხარ,- უარი თქვა შენს ისტორიაზე. ამ კომენტარს არ ვწერ „იმედის“ წამყვანისადმი სიბრაზის, სიძულვილის, ან ნიშნის მოგების მიზნით. ვწერ იმიტომ, რომ უფრო ფართოდ ვხედავდეთ პროცესებს, საფრთხეებს ჩვენს გარშემო და უფრო მეტი თავგანწირვით ვიცავდეთ ჩვენს სამშობლოს“, - დაწერა ინაშვილმა.

საკვანძო სიტყვები:

ნათია თურნავა ბელარუსის პრემიერ-მინისტრს სერგეი რუმასს შეხვდა

19 თებერვალი, 2020 , 17:15

ბელარუსის რესპუბლიკაში ვიზიტით მყოფი საქართველოს ეკონომიკისა და მდგრადი განვითარების მინისტრი ნათია თურნავა ბელარუსის პრემიერ-მინისტრს სერგეი რუმასს შეხვდა. ინფორმაციას ეკონომიკის და მდგრადი განვითარების სამინისტრო ავრცე

„ქართული ოცნება“ წარმოადგენს, თავისი არსით და ბუნებით, კომუნისტურ, ნომენკლატურულ რევანშს „ვარდების რევოლუციის“ ფასეულობების წინააღმდეგ - გიორგი კანდელაკი

19 თებერვალი, 2020 , 17:15

,,საბჭოთა კავშირის ჰიმნი ქართულ ,,ოცნებას" ზედ აკვდება",- ამის შესახებ ჟურნალისტებთან "ევროპული საქართველოს" წევრმა გიორგი კანდელაკმა განაცხადა. „საკუთარი თავის მოსულელება „ქართულ ოცნებას“ ხან კარგად გა

პარლამენტში საბჭოთა კავშირის ჰიმნის გაჟღერება ქართული სახელმწიფოს შეურაცხყოფა და კანონმდებლობის დარღვევაა - სალომე ზურაბიშვილი

19 თებერვალი, 2020 , 15:35

საქართველოს პრეზიდენტი სალომე ზურაბიშვილი ეხმაურება „ევროპული საქართველოს“ დეპუტატების ირმა ნადირაშვილისა და ელენე ხოშტარიას 18 თებერვლის პერფორმანსს. „საქართველოს პარლამენტში საბჭოთა კავშირის ჰიმნის გა

ვერ მიაღწევენ ამ პრინციპით მოქმედებას, რომელსაც ჰქვია გათიშე და იბატონე -რომან გოცირიძე

19 თებერვალი, 2020 , 15:35

„ნაციონალური მოძრაობის“ საპარლამენტო ფრაქციის თავმჯდომარე რომან გოცირიძე აცხადებს, რომ „ქართული ოცნება“ სხვადასხვა პარტიასთან ინდივიდუალური მოლაპარაკებით ვერ მიაღწევს ოპოზიციურ გაერთიანებაში ბზარი

ეროვნული უსაფრთხოების საბჭოს მდივნად ვახტანგ გომელაური დაინიშნა

19 თებერვალი, 2020 , 10:55

შინაგან საქმეთა მინისტრი ვახტანგ გომელაური ეროვნული უსაფრთხოების საბჭოს მდივნად დაინიშნა, - ამის შესახებ დღევანდელ მთავრობის სხდომაზე, პრემიერ-მინისტრმა გიორგი გახარიამ განაცხადა. როგორც მთავრობის მეთაურმა აღნიშნა კანონმ

50 მილიონი რომ გამქრალია თბილისის ბიუჯეტიდან ამაზე არავინ ვდავობთ, ამიტომ დააბრუნეთ - ბექა დავითულიანი

18 თებერვალი, 2020 , 19:33

თბილისის საკრებულოს სხდომაზე ფრაქცია „ქართული ოცნება-დემოკრატიული საქართველოს“ თავმჯდომარე ბექა დავითულიანი ბოლო პერიოდში განვითარებულ მოვლენებს გამოეხმაურა. საკრებულოს ინფორმაციით, ბექა დავითულიანმა თბილისის

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`