მსოფლიო

სულ მცირე 9 დაღუპული, 11 დაშავებული - თალიბები პაკისტანის აგრარულ უნივერსიტეტში შეიჭრნენ

პაკისტანის ქალაქ პეშავარში ნიღბიანი შეიარაღებული პირები ადგილობრივ აგრარულ უნივერსიტეტს თავს დაესხნენ, რომლის შედეგად მოკვდა სულ მცირე 9 ადამიანი (აქედან 8 სტუდენტია და 1 სამართალდამცველი), 11 კი დაშავდა.

ჯარის ინფორმაციით, თავდასხმელები მოკლულები არიან. მომხდარზე პასუხისმგებლობა ტერორისტული ორგანიზაცია „თალიბანის“ პაკისტანურმა ფრთამ აიღო.

უნივერსიტეტის კამპუსში სულ მცირე 1 აფეთქებსა გაისმა.

ერთ-ერთი დაჭრილი სტუდენტის, აჰტეშან ულ-ხაქის განცხადებით, შენობაში დაახლოებით 120 პირი იმყოფებოდა.

„გვეძინა, როცა სროლის ხმა გაისმა. ავდექი და წამებში ყველა გარბოდა და ყვიროდა „თალიბანი დაგვესხა თავს““, -იხსენებს დაზარალებული როიტერსთან.

ქალაქი პეშავარი ავღანეთის საზღვართან ახლოს მდებარეობს. 2014 წელს თალიბები შეიჭრნენ ადგილობრივ სკოლაში, რომლის შედეგად 141 ადამიანი დაიღუპა.

ანა მებურიშვილი